ឯកឧត្តម ជិន ម៉ាលីន អញ្ជើញធ្វើជាវាគ្មិននិងផ្តល់បទឧទ្ទេសនាមជូនដល់មន្រ្តីការទូតថ្មី ដែលទើបតែងតាំងថ្មី

ភ្នំពេញ៖ តាមការចាត់តាំងរបស់ ឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌ ឯកឧត្តម ជិន ម៉ាលីន រដ្ឋលេខាធិការ នាព្រឹកថ្ងៃអង្គារ ២រោច ខែមាឃ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី០៧ ខែកុម្ភៈ ឆ្នាំ២០២៣ បានអញ្ជើញធ្វើជាវាគ្មិននិងផ្តល់បទឧទ្ទេសនាមក្នុងវគ្គតម្រង់ទិសសម្រាប់មន្រ្តីការទូតថ្មី រួមមាន អគ្គទីប្រឹក្សា ទីប្រឹក្សា និងអគ្គលេខាធិការ ដែលទើបតែងតាំង ចំនួន ២៥រូប លើប្រធានបទស្តីពី “សភាពការណ៍នយោបាយ ស្ថានភាពសិទ្ធិមនុស្ស ការអនុវត្តច្បាប់ និងប្រព័ន្ធយុត្តិធម៌នៅកម្ពុជា” មុនពេលត្រូវចេញទៅបំពេញបេសកកម្មការទូតនៅក្រៅប្រទេស។

វគ្គបណ្ដុះបណ្ដាលនេះ មានគោលបំណងបង្កើនការយល់ដឹង និងពង្រឹងប្រសិទ្ធភាពបន្ថែម សម្រាប់ការអនុវត្តតួនាទី និងភារកិច្ចរបស់មន្ត្រីការទូតនៅតាមស្ថានតំណាងឱ្យកាន់តែសកម្ម ស៊ីជម្រៅ និងប្រសិទ្ធិភាព ៕