គណបក្សប្រជាជនឃុំស្វាយចេក រៀបចំពិធីអបអរសាទរខួបលើទី៤៤ ទិវាជ័យថ្ងៃជម្នះ ៧មករា និងប្រកាសបញ្ចលសមាជិកថ្មី ចំនួន៣៣០នាក់
ភ្នំពេញ៖ នៅស្នាក់ការគណបក្សប្រជាជនកម្ពុជា ឃុំស្វាយចេក ស្រុកស្វាយចេក ថ្ងៃទី១៤ ខែមករា ឆ្នាំ២០២៣ បានរៀបចំពិធីអបអរសាទរខួបលើទី៤៤ ទិវាថ្ងៃជ័យជម្នះ(៧មករា ១៩៧៩-២០២៣) និងពិធីប្រកាសបញ្ចូលសមាជិក សមាជិកាថ្មីចំនួន៣៣០នាក់ ក្រោមអធិបតីភាពឯកឧត្តម ឈើយ ចាន់ណា ប្រធានគណៈបញ្ជាការយុទ្ធនាការបោះឆ្នោតជ្រើសរើសតំណាងរាស្ត្រអាណត្តិទី៧និងមានការចូលរួមពី លោកប្រធាន អនុប្រធាន ក្រុមការងារខ-២៧ ចុះមូលដ្ឋានស្រុកស្វាយចេក លោក លោកស្រី ប្រធាន អនុប្រធានក្រុមការងារខ-២៧ ចុះមូលដ្ឋានឃុំស្វាយចេក លោកប្រធាន អនុប្រធាន សមាជិកគណបក្សប្រជាជនកម្ពុជាស្រុកស្វាយចេកយ៉ាងច្រើនកុះករ។
ថ្លែងនាឱកាសនោះ ឯកឧត្តម ឈើយ ចាន់ណា បានលើកឡើងថា៖បានរំលឹកអំពីស្នាដៃរបស់គណបក្សប្រជាជនកម្ពុជា គឺបានរំដោះប្រជាជនកម្ពុជា និងប្រទេសជាតិ នៅថ្ងៃ៧មករា ១៩៧៩ ឲ្យរួចផុតពីក្រញាំបិសាចបនប្រល័យពូជសាសន៍ប៉ុលពត ដែលបានបង្អត់អាហារ ឲ្យធ្វើការជាទម្ងន់និងកាប់សម្លាប់ប្រជាជនឯងជាង៣លាននាក់។ជីវិតទី២ ដែលយើងបានកើតឡើងវិញនោះគឺជាថ្ងៃ៧មករា ១៩៧៩ ដែលជាថ្ងៃប្រវត្តិសាស្ត្ររបស់ខ្មែរគ្រប់រូបត្រូវចងចាំជានិច្ច មិនអាចបំភ្លេចបាន ហើយមកទល់ពេលនេះគឺមានរយៈពេល៤៤ឆ្នាំមហើយ ។ដូច្នេះ គឺសូមឲ្យប្ងូនៗ ក្មួយ ជាយុជនត្រូវតែយល់ជ្រួតជ្រាបពីសច្ចៈភាពពិត នូវអ្វីដែលបានធ្វើឲ្យសង្គមជាតិយើងបានរីកចម្រើនដូចសព្វថ្ងៃនេះ ក៏ដោយសារប្រទេសជាតិយើងមានសុខសន្តិភាពពេញលេញ ដោយសារតែការខិតខំប្រឹងប្រែងរបស់សម្តេចតេជោ ហ៊ុន សែន ប្រធានគណបក្ស និងជានាយករដ្ឋមន្ត្រី នៃព្រះរាជាណាចក្រម្ពុជា អនុវត្តនូវគោលនយោបាយ ឈ្នះ ឈ្នះ ប្រទេសជាតិ ត្រូវបានបញ្ចប់សង្រ្គាម ទទួលបានសុខសន្តិភាពគ្រប់ទិសទី និង អភិវឌ្ឍរីកចម្រើនមកទល់បច្ចុប្បន្ននេះ ។ដូច្នេះយើងទាំងអស់គ្នាត្រូវថែករក្សាសុខសន្តិភាពនេះ ឲ្យបានយូរអង្វែង ដើម្បីអភិវឌ្ឍប្រទេសជាតិឲ្យកាន់តែរីកចម្រើនបន្ថែមទៀត ។
ឯកឧត្តម បានបញ្ជាក់ទៀតថា នៅលើសកលលោកបានផ្ទុះនូវជម្ងឺកូវីដ-១៩ ដែលជាជម្ងឺសកល បង្កឲ្យមនុស្សនៅលើពិភពលោកបានបាត់បង់ជីវិតដោយសារជម្ងឺដ៏កាចសាហាវនេះ ហើយប្រទេសកម្ពុជារបស់យើងក៏បានរងគ្រោះដោយសារជម្ងឺនេះផងដែរ។ប៉ុន្តែដោយការយកចិត្តទុកដាក់គិតគូរពីសុខភាពនិងអាយុជីវិតប្រជាជន សម្តេចតេជោហ៊ុន សែន ប្រធានគណបក្ស និងជាប្រមុខរាជរដ្ឋាភិបាល បានបើកយុទ្ធនាការចាក់ស្រោចវ៉ាក់សាំងទប់ស្កាត់ជម្ងឺកូវីដ-១៩នេះ ជូនដល់ប្រជាជនដោយឥតគិតថ្លៃនិងឈានដល់បើកប្រទេសឲ្យមានប្រក្រតីភាពឡើងវិញ។ នៅក្នុងអំឡុងខែវិច្ឆិកា ខណៈដែលកម្ពុជា ជាប្រធានអាស៊ានប្តូរវេណ គឺមានថ្នាក់ដឹកនាំពិភពលោកជាច្រើនបានមកចូលរួមប្រជុំ នៅក្នុងប្រទេសកម្ពុជា ដោយមិនមានការព្រួយបារម្ភពីអសន្តិសុខ ពិសេសគឺការឆ្លងជម្ងឹកូវីដ-១៩នេះផងដែរ ។
បន្ទាប់មកគណៈអធិបតីក៏បានចែកជូនវត្ថុអនុស្សាវយ៍ ដល់សមាជិក សមាជិកាថ្មី ទាំង៣៣០នាក់ ក្នុងម្នាក់ ទទួលបានសារុង០១និងថវិកា១ម៉ឺនរៀល ជាអំណោយរបស់ ឯកឧត្តម កែ គឹមយ៉ាន ប្រធានក្រុមការងារថ្នាក់កណ្តាលគណបក្សប្រជាជនកម្ពុជា ចុះមូលដ្ឋានខេត្តបន្ទាយមានជ័យ និងលោកជំទាវឧកញ៉ា អគ្គមហាឧបាសិកាពុទ្ធសាសនូបត្ថម្ភក៏ ម៉ៅ ម៉ាល័យ ផងដែរ៕
