ស.ស.យ.ក.ខេត្តព្រៃវែង យកឈ្នះក្រុមបាល់ទាត់សេនាអង្គរ ក្នុងពិធីបើកការប្រកួតពានរង្វាន់ SOCCER LEAGUE
កីឡា៖ ស.ស.យ.ក.ខេត្តព្រៃវែង បានយកឈ្នះ ក្រុមបាល់ទាត់សេនាអង្គរ ក្នុងពិធីបើកការប្រកួតពានរង្វាន់ SOCCER LEAGUE ដែលជាឆ្នាំដំបូងសម្រាប់ការប្រកួតបាល់ទាត់នារី។
ការប្រកួតកីឡាបាល់ទាត់ពានរង្វាន់ SOCCER LEAGUE លើកទី៦ឆ្នាំ២០២៣ បានប្រារព្ធធ្វើឡើងនៅកីឡដ្ឋាន Smart RSN Stadium កាលពី ល្ងាចថ្ងៃទី៧ ខែមករា ឆ្នាំ២០២៣។
សូមជម្រាបជូនថា គោលបំណងនៃការរៀបចំ SOCCER LEAGUE គឺដើម្បីបង្កើនឱកាសថ្មីៗសម្រាប់យុវជនកម្ពុជាក្នុងការប្រមូលផ្តុំ ពង្រឹងមិត្តភាព សាមគ្គីភាព និងបង្កើនកិច្ចសហប្រតិបត្តិការតាមរយៈការផ្តល់ឱកាសដល់យុវជនមកពីស្ថាប័នផ្សេងៗ និងលើកទឹកចិត្តដល់យុវជនដែលមិនអាជីពបានលេងកីឡាដើម្បីសុខភាពទាំងផ្លូវកាយ និងផ្លូវចិត្ត ក៏ដូចជាផ្តល់ឱកាសដល់យុវជនកម្ពុជារបស់យើងបានបង្ហាញពីសមត្ថភាព និងទេពកោសល្យរបស់ពួកគេនៅក្នុងវិស័យកីឡាបាល់ទាត់នេះ រួមទាំងអនុញ្ញាតឱ្យអ្នកចូលរួមស្គាល់គ្នា និងស្គាល់គ្នា ក្លាយជាបណ្តាញទំនាក់ទំនងក្នុងបរិយាកាសមិត្តភាព អធ្យាស្រ័យ និងគោរពផងដែរ៕
