ភ្នំពេញ៖ អំណោយដ៏ថ្លៃថ្លារបស់ ឯកឧត្តម ឧត្ដមសេនីយ៍ឯក ហ៊ុន ម៉ាណែត អគ្គមេបញ្ជាការរង កងយោធពលខេមរភូមិន្ទ មេបញ្ជាការ កងទ័ពជើងគោក និងលោកជំទាវ រួមមានគ្រែដែកកាត់ចំនួន ២០០ គោបា និងមេគោ ចំនួន ៥ក្បាល ម៉ូតូម៉ាក់ WAVE ចំនួន ១០គ្រឿង គោយន្ត ចំនួន ៥គ្រឿង និងម៉ាស៊ីន GPS Garmin ១៥ គ្រឿង ជូនដល់កងពលតូចថ្មើរជើងលេខ ៣១ តាមរយៈក្រុមការងារ ឯកឧត្តម មេបញ្ជាការ កងទ័ពជើងគោក នៅទីបញ្ជាការកងពល នាពេលថ្មីៗនេះ។
ឧត្ដមសេនីយ៍ទោ ផង់ យ៉ុត មេបញ្ជាការ កងពលតូចថ្មើរជើងលេខ៣១ ព្រមទាំងនាយទាហាន នាយទាហានរង ពលទាហាន និងគ្រួសារកងទ័ពទាំងអស់ សូមថ្លែងនូវអំណរគុណយ៉ាងជ្រាលជ្រៅបំផុត ចំពោះឯកឧត្តម មេបញ្ជាការ និងលោកជំទាវ ដែលតែងតែយកចិត្តទុក្ខដាក់ខ្ពស់ ចំពោះសុខទុក្ខរបស់យោធិន និងគ្រួសារប្រកបដោយសប្បុរសធម៌ និងគុណធម៌។
លោកបន្តទៀតថា យើងទាំងអស់គ្នា “សូមគាំទ្រ និងប្ដេជ្ញាការពារ អនុវត្តដោយម៉ឺងម៉ាត់បំផុត រាល់បទបញ្ជា ដើម្បីជាតិ មាតុភូមិ” និងសូមបួងសួងដល់វត្ថុសក្កិសិទ្ធក្នុងលោកតាមឃុំគ្រង ថែរក្សា ឯកឧត្ដម មេបញ្ជាការ និងលោកជំទាវ ព្រមទាំងក្រុមគ្រួសារ ប្រកបដោយសុខភាពល្អប្រសើរ កម្លាំងខ្លាំងខ្លា ប្រាជ្ញឈ្លៀសវៃ ដើម្បីការអភិវឌ្ឍប្រទេសជាតិ កាន់តែល្អប្រសើរបន្ថែមទៀត៕
