ក្រសួងយុត្តិធម៍រៀបចំសិក្ខាសាលាផ្សព្វផ្សាយ និងត្រួតពិនិត្យការយល់ដឹងអំពី «ច្បាប់ស្តីពីការប្រឆាំងហិរញ្ញប្បទានដល់ការរីកសាយភាយអាវុធមហាប្រល័យ និងការអនុវត្តសេចក្តីសម្រេចរបស់ក្រុមប្រឹក្សាសន្តិសុខនៃអង្គការសហប្រជាជាតិ»
ភ្នំពេញ៖នៅរសៀលថ្ងៃថ្ងៃទី១ ខែធ្នូ ឆ្នាំ២០២២, អគ្គនាយកដ្ឋានកិច្ចការរដ្ឋប្បវេណី និងដោយមានកិច្ចសហការជាមួយអគ្គនាយកដ្ឋានកិច្ចការអយ្យការ និងព្រហ្មទណ្ឌបានរៀបចំសិក្ខាសាលាផ្សព្វផ្សាយ និងត្រួតពិនិត្យការយល់ដឹងអំពី “ច្បាប់ស្តីពីការប្រឆាំងហិរញ្ញប្បទានដល់ការរីកសាយភាយអាវុធមហាប្រល័យ និងការអនុវត្តសេចក្តីសម្រេចរបស់ក្រុមប្រឹក្សាសន្តិសុខនៃអង្គការសហប្រជាជាតិ”។
សិក្ខាសាលានេះត្រូវបានរៀបចំទ្បេីងក្រោមអធិបតីភាពឯកឧត្តម ប៉ែន ពេជ្រសាលី ប្រតិភូរាជរដ្ឋាភិបាល និងជាអគ្គនាយកកិច្ចការអយ្យការ និងព្រហ្មទណ្ឌ និងឯកឧត្តម យ៉ម ផារ៉ូត ប្រតិភូរាជរដ្ឋាភិបាល និងជាអគ្គនាយកកិច្ចការរដ្ឋប្បវេណី និងដោយមានការចូលរួមពីសារការី និងតំណាងមន្ទីរសារការីទាំងអស់។ ន
សិក្ខាសាលានេះត្រូវបានធ្វេីទ្បេីង ក្នុងគោលបំណងដើម្បីផ្សព្វផ្សាយ និងបញ្ជ្រាបការយល់ដឹងបន្ថែមដល់សារការីដែលជាបុគ្គលរាយការណ៍អំពី «ច្បាប់ស្តីពីការប្រឆាំងហិរញ្ញប្បទានដល់ការរីកសាយភាយអាវុធមហាប្រល័យ និងការអនុវត្តសេចក្តីសម្រេចរបស់ក្រុមប្រឹក្សាសន្តិសុខនៃអង្គការសហប្រជាជាតិ» និងដើម្បីជាការត្រៀមលក្ខណៈឱ្យបានល្អសម្រាប់ការទទួលការចុះ On-site Visit របស់ក្រុមការងារ FATF (Financial Action Task Force) នៅកម្ពុជា នាខែមករា ឆ្នាំ២០២៣ ខាងមុខនេះ។។
