ឧត្តមសេនីយ៍ឯក ស ថេត កោតសរសេីរដល់មន្ត្រីដែល ចូលរួមអនុវត្តការងារ បំពេញតួនាទីភារកិច្ចក្នុងការសម្រួលចរាចរណ៍ ធ្វេីសណ្តាប់ធ្នាប់ ជូនថ្នាក់ដឹកនាំគណប្រតិភូ និង ប្រជាពលរដ្ឋបានយ៉ាងល្អ

ភ្នំពេញ៖ ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានកោតសរសេីរដល់មន្ត្រីដែល បានចូលរួមអនុវត្តការងារ បំពេញតួនាទីភារកិច្ច ក្នុងការសម្រួលចរាចរណ៍ ធ្វេីសណ្តាប់ធ្នាប់ ជូនថ្នាក់ដឹកនាំ គណប្រតិភូជាតិ អន្តរជាតិ ប្រជាពលរដ្ឋ បានយ៉ាងល្អ។

ការថ្លែងកោតសរសើរនេះបានធ្វើឡើង នៅព្រឹកថ្ងៃទី២៧ ខែវិច្ឆិកា ឆ្នាំ២០២២ ខណៈដែល ឧត្តមសេនីយ៍ឯក អញ្ជេីញជួបសំណេះសំណាល និងណែនាំកិច្ចការសំខាន់ៗជាមួយថ្នាក់ដឹកនាំផែនការងារចរាចរណ៍ នៃស្នងការដ្ឋាននគរបាលរាជធានីភ្នំពេញ ។

ក្នុងកិច្ចប្រជុំនេះមានការចូលរួម ពីលោក​ស្នងការរង​ លោកនាយ-នាយរងការិយាល័យនគរបាលចរាចរណ៍ផ្លូវគោក​ លោកអធិការរងទទួលផែនការងារនគរបាលចរាចរណ៍ខណ្ឌទាំង១៤​ និងលោកប្រធានក្រុមគោលដៅ​ បញ្ជាចរាចរណ៍ទាំងអស់​ សរុបចំនួន ៨៣។

ក្នុងកិច្ចប្រជុំឯកឧត្តមស្នងការ បានធ្វេីការកោតសរសេីរដល់មន្ត្រីភាគច្រេីនបានចូលរួមអនុវត្តការងារ បំពេញតួនាទីភារកិច្ច ក្នុងការសម្រួលចរាចរណ៍ ធ្វេីសណ្តាប់ធ្នាប់ ជូនថ្នាក់ដឹកនាំ គណប្រតិភូជាតិ អន្តរជាតិ ប្រជាពលរដ្ឋ បានយ៉ាងល្អ លេីកលែងមន្ត្រីតិចតួចដែលអនុវត្តមិនបានត្រឹមត្រូវ ហេីយមន្ត្រីទាំងនោះ ក៏បានដកមកបញ្ឍរជេីង ដកសក្តិ ធ្វេីកិច្ចសន្យា ណែនាំអប់រំ រួចហេីយដែរនាពេលកន្លងមកនេះ ជាពិសេសឯកឧត្តមស្នងការបានផ្តល់អនុសាសន៍ណែនាំសំខាន់ៗជាច្រេីនចំណុចដល់ថ្នាក់ដឹកនាំ និងមន្ត្រីនៃផែនការងារចរាចរណ៍ ដូចជា ពង្រឹងអំពីរបៀបរបបការងារ ពង្រឹងអំពីសំណុំរឿងករណីគ្រោះថ្នាក់ដោះស្រាយឲ្យមានសម្លាភាព និងត្រឹមត្រូវតាមច្បាប់ ពង្រឹងលេីសុជីវធម៌ សីលធម៌របស់មន្ត្រីអនុវត្តច្បាប់ ដូចជាការប្រេីប្រាស់ពាក្យសម្តី និងកាយវិការឲ្យបានសមរម្យ ធ្វេីការសហការជាមួយសាខាគយខណ្ឌ ដេីម្បីប្រគល់រថយន្តអត់ពន្ធដែលសមត្ថកិច្ចឃាត់បាន៕