ប្រមុខUN អញ្ជើញគោរពវិញ្ញាក្ខន្ធជនរងគ្រោះ និងគោរពអ្នកដែលនៅរស់រានមានជីវិតពីបទឧក្រិដ្ឋកម្ម ដ៏ឃោរឃៅ នាអំឡុងសម័យខ្មែរក្រហម
ភ្នំពេញ៖ ឯកឧត្ដម António Guterres អគ្គលេខាធិការអង្គការសហប្រជាតិ រួមជាមួយនឹងគណៈប្រតិភូអមដំណើរនា ព្រឹកថ្ងៃទី១៣ ខែវិចិ្ឆកា ឆ្នាំ២០២២នេះ លោកបានធ្វើទស្សនកិច្ចនៅសារមន្ទីរឧក្រិដ្ឋកម្មប្រល័យពូជសាសន៍ទួលស្លែង និងគោរពវិញ្ញាក្ខន្ធជនរងគ្រោះ និងគោរពអ្នកដែលនៅរស់រានមានជីវិតពីបទឧក្រិដ្ឋកម្មដ៏ឃោរឃៅ ដែលប្រព្រឹតិ្តនៅទូទាំងប្រទេសកម្ពុជា នាអំឡុងសម័យខ្មែរក្រហម។
ឯកឧត្ដម António Guterres ក៏បានគូសបញ្ជាក់ថា ទុក្ខវេទនាដែលបានកើតឡើងនៅចន្លោះជញ្ជាំងគុកទាំងនេះ គឺជារឿងដែលគួឲ្យសោកសង្រែក ដ៏សែនរន្ធត់ និងគួរឲ្យភ្ញាក់ផ្អើលហើយរឿងរ៉ាវនៃការរស់រានមានជីវិត និងភាពធន់ គឺជារឿងដ៏សែនរំជួលចិត្ត ខ្លាំងណាស់។
ឯកឧត្ដមក៏សូមថ្លែងអំណរគុណដល់សារមន្ទីរឧក្រិដ្ឋកម្មប្រល័យពូជសាសន៍ទួលស្លែង សម្រាប់ការងារដ៏អស្ចារ្យរបស់ខ្លួន ដើម្បីលើកកម្ពស់ការយល់ដឹងអំពីឧក្រិដ្ឋកម្មដ៏សាហាវទាំងនេះ វាជាផ្នែកមួយ នៃកិច្ចខិតខំប្រឹងប្រែង ដើម្បីធានាថាអំពើឃោឃៅទាំងនេះ មិនត្រូវកើតឡើងម្តងទៀតជាដាច់ខាត។
អង្គជំនុំជម្រះវិសាមញ្ញក្នុងតុលាការប្រទេសកម្ពុជា ក៏បានទាមទារឲ្យមេដឹកនាំខ្មែរក្រហមជាច្រើនរូបទទួលខុសត្រូវ ចំពោះអំពើព្រៃផ្សៃទាំងអស់នេះ និងបានផ្តល់យុត្តិធម៌ដល់ជនរងគ្រោះទាំងអស់ និងអ្នកដែលនៅរស់រានពីរបបខ្មៅងងិតនេះ។ យុត្តិធម៌របស់ពួកគេមានសារសំខាន់ជាងអ្វីៗទាំងអស់ នៅពេលដែលការនិយាយនាំឲ្យមានការស្អប់ខ្ពើមគ្នា ការរំលោភបំពាន ការរើសអើង និងការយាយីកំពុងតែកើតឡើងនៅគ្រប់តំបន់ក្នុងពិភពលោក។
សារមន្ទីរឧក្រិដ្ឋកម្មប្រល័យពូជសាសន៍ទួលស្លែង ជាកន្លែងក្រើនរំលឹកដ៏ចាំបាច់សម្រាប់ពូកយើងទាំងអស់គ្នា ឥដ្ឋ និងការ៉ូ ដែលប្រឡាក់ដោយឈាមនៅទីនេះ គឺជាការព្រមានដល់យើងគ្រប់គ្នាទាំងអស់ នេះគឺជាអ្វីដែលកើតឡើង នៅស្របពេលដែលមានការស្អប់ខ្ពើមគ្នា កើនឡើងយ៉ាងខ្លាំង។ ហើយនានេះអ្វីដែលបានកើតឡើងនៅពេលដែលមនុស្សត្រូវបានគេធ្វើទុក្ខបុកម្នេញ ហើយសន្ធិមនុស្ស ស្មើសូន្យ។
ឯកឧត្ដម ក៏បានគូសបញ្ជាក់បន្ថែមទៀតថា ការរក្សាទុក ការចងចាំអ្នកដែលបានរងទុក្ខ និងស្លាប់នៅទួលស្លែង ជួយធានាថាអំពើឃោរឃៅបែបនេះ និងមិនកើតឡើងម្តងទៀតបានឡើយ។ ឯកឧត្ដម នឹងយករឿងរ៉ាវ ទាំងអស់ដែលលោកបានស្តាប់លឺពីអ្នក រួចហើយរស់នៅក្នុងរបបខ្មែរក្រហមខ្មៅងងិតនេះ ទៅប្រាប់ចៅស្រីរបស់លោក ដើម្បីឲ្យចៅស្រីរបស់លោក អាចយករឿងរ៉ាវទាំងនេះ ទៅប្រាប់ដល់ចៅៗរបស់ពួកគេផ្សេងទៀតមិនត្រូវបំភ្លេចជាដាច់ខាត។
ឯកឧត្ដម António Guterres បានគូសបញ្ជាក់ថា តាមរយៈការទទួលស្គាល់ ពីអំពើប្រល័យពូជសាសន៍ និងឧក្រិដ្ឋកម្មឃោរឃៅដ៏ទៃទៀត និងទទួលស្គាល់ពីតម្លៃសេចកី្តថ្លៃថ្នូរ យើងក៏អាចកសាងមូលដ្ឋានគ្រឹះ សម្រាប់អនាគតនិងការរន្ធត់បែបនេះ នឹងមិនអាចកើតឡើងម្តងទៀតជាដាច់ខាត។។
