ឯកឧត្តម ហង់ជួន ណារ៉ុន ដឹកនាំកិច្ចប្រជុំពិភាក្សា ពីកិច្ចសហប្រតិបត្តិការលើ ការអភិវឌ្ឍធនធានមនុស្ស និងការងារស្រាវជ្រាវលើផ្នែកវិទ្យាសាស្ត្រ និងបច្ចេកវិទ្យា
ភ្នំពេញ៖ ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រី ក្រសួងអប់រំ យុវជន និងកីឡា និងឯកឧត្តមសាស្ត្រាចារ្យបណ្ឌិត Anek Laothamatas រដ្ឋមន្រ្តីក្រសួងឧត្តមសិក្សា វិទ្យាសាស្ត្រ ស្រាវជ្រាវ និងនវានុវត្តន៍នៃព្រះរាជាណាចក្រថៃ នាថ្ងៃទី៧ តុលា បានចូលរួមកិច្ចប្រជុំពិភាក្សាស្តីពីកិច្ចសហប្រតិបត្តិការលើការអភិវឌ្ឍធនធានមនុស្ស និងការងារស្រាវជ្រាវលើផ្នែកវិទ្យាសាស្ត្រ និងបច្ចេកវិទ្យា។
ក្នុងឱកាសនោះ ភាគីថៃបានស្នើផ្តល់ជូនភាគីកម្ពុជានូវសំណើផ្សេងៗដើម្បីចូលរួមលើកកម្ពស់គុណភាពអប់រំ ការអភិវឌ្ឍធនធានមនុស្ស ការស្រាវជ្រាវវិទ្យាសាស្ត្រ និងបច្ចេកវិទ្យាក្នុងវិស័យអប់រំ ព្រមទាំងរឹតចំណងកិច្ចសហប្រតិបតិ្តការរវាងប្រទេសទាំងពីរ។
សូមជម្រាបថា ក្រសួងឧត្តមសិក្សា វិទ្យាសាស្ត្រ ស្រាវជ្រាវ និងនវានុវត្តន៍នៃព្រះរាជាណាចក្រថៃ ជាអាណាព្យាបាលគ្រឹះស្ថានឧត្តមសិក្សាប្រមាណ១៥០កន្លែង និងមជ្ឈមណ្ឌលស្រាវជ្រាវវិទ្យាសាស្ត្រប្រមាណ៣០កន្លែង៕
