ឧត្តមសេនីយ៍ឯក ម៉ៅ សុផាន់ អញ្ជើញគោរពវិញ្ញាណក្ខន្ធ មហាឧបាសិកា កុសលចិត្តាពុទ្ធសាសនូបត្ថម្ភក៍ ពេន យុត ត្រូវជាម្តាយក្មេក ឯកឧត្តម ខៀវ កាញារីទ្ធ
ភ្នំពេញ៖ ឧត្តមសេនីយ៍ឯក ម៉ៅ សុផាន់ មេបញ្ជាការកងពល តូចលេខ៧០ នៅព្រឹកថ្ងៃទី១១ ខែសីហា ឆ្នាំ២០២២ បានអញ្ជេីញដឹកនាំមេបញ្ជាការរង និងនាយទាហានកងពល ចូលរួមគោរពវិញ្ញាណក្ខន្ធ មហាឧបាសិកា កុសលចិត្តាពុទ្ធសាសនូបត្ថម្ភក៍ ពេន យុត ត្រូវជាម្តាយក្មេក ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន និងត្រូវជាម្តាយបង្កេីតលោកជំទាវ ទេព រង្សុី ដែលបានទទួលមរណភាពកាលពីថ្ងៃទី០៩ ខែសីហា ឆ្នាំ២០២២ ក្នុងជន្មានយុ ៩២ឆ្នាំ ដោយជរាពាធ។
ឧត្តមសេនីយ៍ឯក ក៏បា នសម្ដែងនូវការចូលរួមរំលែកទុក្ខដ៏ក្រៀមក្រំ និងអាឡោះអាល័យបំផុតចំពោះមរណភាពរបស់មហាឧបាសិកា កុសលចិត្តាពុទ្ធសាសនូបត្ថម្ភក៍ ពេន យុត ដែលជាការបាត់បង់ ជីដូន ម្តាយ និងម្តាយក្មេកជាទីគោរពស្រលាញ់ ប្រកបដោយព្រហ្មវិហារធម៌ ដែលបានចិញ្ចឹមបីបាច់ថែរក្សា និងអប់រំទូន្មានកូនចៅប្រកបដោយគន្លងធម៌នាពេលកន្លងមក។
មេបញ្ជាការកងពល បានបួងសួងដល់គុណព្រះរតនត្រ័យ និងវត្ថុស័ក្តិសិទ្ធិទាំងឡាយក្នុងលោក សូមជួយទ្រទ្រង់ ដួងវិញ្ញាណក្ខន្ធ មហាឧបាសិកា កុសលចិត្តាពុទ្ធសាសនូបត្ថម្ភក៍ ពេន យុត បានទៅកាន់សុគតិភពកុំបីឃ្លៀងឃ្លាតឡើយ៕
