មជ្ឈមណ្ឌលជំនួយ និងជំនួយមនុស្សធម៌របស់ព្រះមហាក្សត្រអារ៉ាប៊ីសាអ៊ូឌីត បាននិងកំពុងពង្រីកការគាំទ្រ និងទ្រទ្រង់ ផ្គត់ផ្គង់ដល់ជនភៀសខ្លួននៅទូទាំងពិភពលោក

រីយ៉ាដ៖ បើយោងតាមការចុះផ្សាយ របស់ទីភ្នាក់ងារសារព័ត៌មាន ARAB News នៃប្រទេសអារ៉ាប៊ីសាអ៊ូឌីតរាយការណ៍នៅថ្ងៃទី២០ ខែមិថុនា ឆ្នាំ២០២៦ បានបញ្ជាក់ថា មជ្ឈមណ្ឌលជំនួយ និងជំនួយមនុស្សធម៌របស់ព្រះមហាក្សត្រអារ៉ាប៊ីសាអ៊ូឌីត បាននិងកំពុងពង្រីកការគាំទ្រ និងទ្រទ្រង់ ផ្គត់ផ្គង់ដល់ជនភៀសខ្លួននៅទូទាំងពិភពលោក ខណៈពេលស្ថិតក្នុងទិវាជនភៀសខ្លួន ពិភពលោកកាលពីថ្ងៃទី២០ ខែមិថុនា ឆ្នាំ២០២៦ កន្លងទៅថ្មីៗនេះ។

អារ៉ាប៊ីសាអ៊ូឌីតបានផ្ដល់ជំនួយដល់ជនភៀសខ្លួន និងសហគមន៍ជនភៀសខ្លួនរហូតដល់ ទៅ ២៣,៧៦១ពាន់លានដុល្លារ ខណៈដែលកម្មវិធីមនុស្សធម៌នៅតែបន្តនៅទូទាំងប្រទេសលើសាកលលោក។

កិច្ចខិតខំប្រឹងប្រែងចុងក្រោយបំផុត គឺនៅតំបន់ហ្គាហ្សា ជាកន្លែងដែលមជ្ឈមណ្ឌលជំនួយ និងជំនួយមនុស្សធម៌របស់ព្រះមហាក្សត្រអារ៉ាប៊ីសាអ៊ូឌីត បានបង្កើតជំរុំថ្មីមួយសម្រាប់គ្រួសារជនភៀសខ្លួននៅភាគខាងជើងនៃតំបន់ Khan Younis ភាគខាងត្បូងតំបន់ហ្គាហ្សា។

ជំរុំនេះមានគោលបំណងផ្តល់ទីជំរកប្រកបដោយសុវត្ថិភាពសម្រាប់គ្រួសារដែលបានបាត់បង់ផ្ទះ ចំពេលមានវិបត្តិដែលកំពុងកើតមាន និងឆ្លើយតបទៅនឹងតម្រូវការដែលកំពុងកើនឡើងនៅក្នុងតំបន់ជម្លៀស នៅទូទាំងភាគខាងត្បូង ហ្គាហ្សា ជាកន្លែងដែលមនុស្សរាប់ពាន់នាក់កំពុងរស់នៅក្នុងការតាំងទីលំនៅបណ្តោះអាសន្នដែលមានលទ្ធភាពទទួលបានសេវាមូលដ្ឋានមានកម្រិត។

គំនិតផ្តួចផ្តើមរៀបចំជំរុំជនភៀសខ្លួននៅហ្គាហ្សា ជាផ្នែកមួយនៃកិច្ចខិតខំប្រឹងប្រែងមនុស្សធម៌យ៉ាងសម្បើមរបស់អារ៉ាប៊ីសាអូឌីត ក្នុងគោលបំណងជួយជនភៀសខ្លួនទាំងអស់ក្នុងប្រទេសអារ៉ាប៊ីសាអ៊ូឌី និងក្រៅប្រទេស។

ក្នុងទិវាជនភៀសខ្លួនពិភពលោក ដែលប្រារព្ធធ្វើឡើងជារៀងរាល់ឆ្នាំនៅថ្ងៃទី២០ ខែមិថុនា ឆ្នាំ២០២៦, មជ្ឈមណ្ឌលជំនួយ និងជំនួយមនុស្សធម៌របស់ព្រះមហាក្សត្រអារ៉ាប៊ីសាអ៊ូឌីត ថ្លែងថា អារ៉ាប៊ីសាអ៊ូឌីតនៅតែបន្តស្ថិត ក្នុងចំណោមអ្នកផ្តល់ជំនួយ មនុស្សធម៌ឈានមុខគេរបស់ពិភពលោក ដោយជួយដល់សហគមន៍ដែលងាយរងគ្រោះ តាមរយៈកម្មវិធីជំនួយមនុស្សធម៌ និងការអភិវឌ្ឍនៅក្នុងតំបន់ និងទូទាំសាកលលោ៕