ស្នងការភ្នំពេញ រៀបចំពិធីសំណេះសំណាលជាមួយមន្ត្រីនគរបាលចរាចរណ៍ផ្លូវគោក និងមន្ត្រីជាប់កិច្ចសន្យាការងារសណ្តាប់ធ្នាប់ចរាចរណ៍ រាជធានីភ្នំពេញ

ភ្នំពេញ៖ ដោយអនុវត្តតាមការណែនាំរបស់ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ នៅព្រឹកថ្ងៃសៅរ៍ ទី៩ ខែកក្កដា ឆ្នាំ២០២២ ស្នងការដ្ឋាននគរបាល រាជធានីភ្នំពេញ បានរៀបចំពិធី សំណេះសំណាលជាមួយមន្ត្រីនគរបាលចរាចរណ៍ផ្លូវគោក និងមន្ត្រីជាប់កិច្ចសន្យាការងារសណ្តាប់ធ្នាប់ចរាចរណ៍ រាជធានីភ្នំពេញ ក្រោមអធិបតីភាពឯកឧត្តម នាយឧត្តមសេនីយ៍ ហ៊ឹម យ៉ាន អគ្គស្នងការរង តំណាងឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ និង ឯកឧត្តម មាន ចាន់យ៉ា អភិបាលរង នៃគណ:អភិបាល រាជធានីភ្នំពេញ តំណាងឯកឧត្តម ឃួង ស្រេង អភិបាល នៃគណ:អភិបាលរាជធានីភ្នំពេញ ។

ក្នុងពិធីនេះដែរ ក៏មានការចូលរួម ពីលោក លោកស្រីស្នងការរង ជំនួយការ នាយការិយាល័យ អធិការរងទទួលការងារចរាចរណ៍ សណ្តាប់ នាយ នាយរង ផ្នែក ចរាចរណ៍តាមបណ្តា អធិការដ្ឋានននគរបាលទាំង១៣ និង លោក នាយ នាយរង ការិយាល័យ មន្ត្រីទាំងអស់ចំណុះ ការិយាល័យចរាចរណ៍ផ្លូវគោក ដែលសរុបរួមមាន ៩៣១នាក់ ។

ជាមួយនេះដែរ ឯកឧត្តម នាយឧត្តមសេនីយ៍ ហ៊ឹម យ៉ាន អគ្គស្នងការរង ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ និងឯកឧត្តម មាន ចាន់យ៉ាដា អភិបាលរង នៃគណអភិបាលរាជធានីភ្នំពេញ បានអញ្ជើញមានមតិណែនាំល្អៗ និងជម្រុញឱ្យមន្ត្រីទាំងអស់ អនុវត្តតួនាទីភារកិច្ចឱ្យបានល្អ លុបបំបាត់ឱ្យបាននូវភាពអសកម្ម ជាពិសេសកែលម្អចំណុចដែលខ្វះខាត ។

ជាកិច្ចបញ្ចប់គណ:អធិបតី បាននាំយកថវិការបស់ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ចែកជូនដល់មន្ត្រីចូលរួមទាំង ៩៣១នាក់ ដោយក្នុងម្នាក់ៗទទួលបាន ១០ម៉ឺនរៀល ៕