ភ្នំពេញ៖ ក្នុងសន្និសីទសារព័ត៌មានស្ដីពី «លទ្ធផលរយៈពេល១ឆ្នាំនៃយុទ្ធនាការជំរុញ និងពន្លឿនរឿងក្តីនៅតាមតុលាការ និងយុទ្ធនាការត្រួតពិនិត្យ និងដោះស្រាយភាពមិនប្រក្រតីនៅតាមតុលាការ» នារសៀលថ្ងៃទី១៣ ខែមករា ឆ្នាំ២០២៥ ឯកឧត្ដម សេង ឌីណា រដ្ឋលេខាធិការ និងជាអ្នកនាំពាក្យក្រសួងយុត្តិធម៌ បានលើកឡើងអំពី សំណុំរឿងអាទិភាពចំនួន៤។
សំណុំរឿងអាទិភាពចំនួន៤រួមមានដូចខាងក្រោម៖
ទី១៖ អត្រានុកូលដ្ឋាន មានចំនួន ៤ ៩៨៣ ដែលនៅសល់មុនពេលប្រកាសបើក យុទ្ធនាការ ត្រូវបានដោះស្រាយចប់សព្វគ្រប់ ១០០% តាំងពីថ្ងៃទី៣១ ខែមីនា ឆ្នាំ២០២៤។ ចំណែកសំណុំរឿងអត្រានុកូលដ្ឋានដែលចូលថ្មី ចំនួន ៥២ ៦០១ ត្រូវបានតុលាការដោះស្រាយចប់សព្វគ្រប់បាន ចំនួន ៥១ ១ ៥០៨ សំណុំរឿង ស្មើនឹង ៩៧,៩២%។
ទី២៖ សំណុំរឿងចរាចរណ៍ មានចំនួន ១០៤១ដែលនៅសល់មុនពេលប្រកាសបើកយុទ្ធនាការ ត្រូវបានសាលាដំបូងគ្រប់រាជធានី-ខេត្ត ដោះស្រាយចប់សព្វគ្រប់ ១០០% តាំងពីខែវិច្ឆិកា ឆ្នាំ២០២៤។ ចំណែកសំណុំរឿងដែលចូលថ្មីក្រោយពេលប្រកាសបើកយុទ្ធនាការដែលមានចំនួន ៥៤៧០ត្រូវបានតុលាការដោះស្រាយចប់សព្វគ្រប់បាន ចំនួន ៤៨០៧ សំណុំរឿងស្មើនឹង ៨៧,៨៨%។
ទី៣៖ សំណុំរឿងគ្រឿងញៀនទាំងចាស់ទាំងថ្មីមានចំនួន ២៤ ៦៥១ ត្រូវបាន តុលាការទូទាំងប្រទេសចាត់ការរួចរាល់បានចំនួន ២២០២២ ស្មើនឹង ៨៩,៣៤%។
ទី៤៖ សំណុំរឿងក្មេងទំនើង គណៈបញ្ជាការដឹកនាំយុទ្ធនាការ បានពិនិត្យឃើញថា តុលាការបានអនុវត្តច្បាប់យ៉ាងម៉ឺងម៉ាត់ ដោយគិតចាប់ពីថ្ងៃទី២៣ ខែឧសភា ឆ្នាំ២០២៤ មកទល់នឹង ពេលនេះ សាលាដំបូង និងអយ្យការអមសាលាដំបូងរាជធានី-ខេត្តទូទាំងប្រទេស បានទទួលចាត់ការសំណុំរឿងពាក់ព័ន្ធនឹងក្មេងទំនើងសរុបចំនួន ២៣២៤ដែលមានជនសង្ស័យចំនួន ៣៦៥០ នាក់ជាកម្មវត្ថុនៃការអនុវត្តវិធានការតាមផ្លូវច្បាប់៕
