ភ្នំពេញ៖ ក្រោមការដឹកនាំនិងទទួលរាប់រងផ្ទាល់ពីលោក ឧត្តមសេនីយ៍ទោ ដាញ់ អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ដំបង ដូចការរំពឹងទុកនៅថ្ងៃទី១៣ខែតុលា ឆ្នាំ២០២៤នេះទូកង ឈ្មោះ( រាជសីហ៍សរ ជ័យ)ដែលជាទូកងរបស់ស្នងការដ្ឋាននគរបាលខេត្តបាត់ដំបង បានបង្ហាញវត្ត មាននៅ ក្នុងដងស្ទឹងសង្កែ ក្រុងបាត់ដំបងហេីយ បន្ទាប់ពីបានរៀបចំបន្ថែម នូវសោភ័ណ្ឌភាព ប្រកបដោយ ការទាក់ទាញរួចមក។
ទូកងរាជសីហ៍សរជ័យ គឺជាទូកមួយក្នុងចំណោមទូកផ្សេងទៀត ដែលទទួលបានជ័យលាភី ក្នុងអំឡុងពេល ប្រណាំងកាលពីឆ្នាំមុនក្នុងខេត្តបាត់ដំបង ហេីយ ត្រូវបានជ្រេីសរេីសឱ្យចូលរួមប្រកួតប្រជែងនៅ រាជធានីភ្នំពេញនាឆ្នាំកន្លងទៅ និងទទួលបានចំណាត់ថ្នាក់ជ័យលាភីក្នុងចំណោមទូក ទូទាំងប្រទេសផងដែរ។
នៅសល់តែប៉ុន្មានថ្ងៃទៀតប៉ុណ្ណោះ (រាជសីហ៍សរជ័យ)នឹងបង្ហាញសមត្ថភាពរបស់ខ្លួនជាថ្មីម្តងទៀត ជូនបងប្អូន ប្រជាពលរដ្ឋ ភ្ញៀវជាតិ ភ្ញៀវអន្តរជាតិ ទស្សនានៅ ក្នុងដងស្ទឹងសង្កែ ដូច្នេះសូមបងប្អូនក្នុងខេត្តបាត់ដំបង ភ្ញៀវជាតិ អន្តរជាតិ គាំទ្រទូកងរបស់ស្នងការដ្ឋាននគរបាលខេត្តបាត់ដំបងឱ្យបានខ្លាំងក្លាផង ៕
