អាសូរណាស់! ព្រោះតែជីវភាពបុរសម្នាក់ដើរចាប់កណ្តូបពេលយប់តែជាអកុសល់ត្រូវពស់ស្រកាចាស់ចឹកស្លាប់

ភ្នំពេញ៖ បុរសម្នាក់ត្រូវពស់ស្រកាចាស់ចឹកស្លាប់ នៅថ្ងៃទី២៤ ខែសីហា ឆ្នាំ២០២៤ វេលាម៉ោងប្រហែល១១និង៣០នាទីយប់ថ្ងៃទី២០២៤ ខណៈពេលដើរចាប់កណ្តូបនៅចំណុចវាលស្រែខាងត្បូងភូមិទ័ពរសៀម ឃុំស្លក្រាម ស្រុកស្វាយចេក ខេត្តបន្ទាយមានជ័យ ។

នគរបាលស្រុកស្វាយចេកបានឲ្យដឹងថា ជនរងគ្រោះឈ្មោះ ដា រស់ ភេទប្រុស អាយុ២៩ឆ្នាំ រស់នៅភូមិកាប់ចោរ ឃុំភូមិថ្មី ស្រុកថ្មពួក ខេត្តបន្ទាយមានជ័យ។

នគរបាលបានបញ្ជាក់ថា តាមបំភ្លឺរបស់ឈ្មោះ មួយ ម៉ង់ ភេទប្រុស អាយុ៣២ ឆ្នាំ រស់នៅភូមិកាប់ចោរ ឃុំភូមិថ្មី ស្រុកថ្មពួក ជាមួយនិងជនរងគ្រោះ បានរៀបរាប់ថា នៅថ្ងៃទី២៤ ខែឆ្នាំដដែល ពេលម៉ោង ៣និង៣០ នាទីរសៀល ខ្លួន និងជនរងគ្រោះបាននាំគ្នាជិះម៉ូតូទៅចាប់កណ្ដូបនៅភូមិឃុំកើតហេតុខាងលើ ពេលទៅដល់វេលាម៉ោងប្រហែល៦និង៣០ បាននាំគ្នាដើរចុះចាប់កណ្ដូបក្នុងវាលស្រែ ចម្ងាយពីគ្នាប្រហែល១០ម៉ែត្រពីគ្នា ពេលកំពុងតែដើរចាប់ស្រាប់តែឈ្មោះ ដា រស់(ជនរងគ្រោះ) បានស្រែកប្រាប់ថា ពស់ចឹក បន្ទាប់មកខ្លួនក៏បានរត់ទៅជួយ ហើយឃើញពស់នៅក្បែនោះ ក៏យកដំបងវាយពស់ ក្រោយមកខ្លួនបានស្រែកហៅអ្នកភូមិក្បែរនោះអោយជួយជូនជនរងគ្រោះដឹក និងគោយន្តកន្ត្រៃមកសង្រ្គោះនៅមន្ទីពេទ្យស្រុកស្វាយចេក តែជាអកុសលពេលដល់មន្ទីពេទ្យគ្រូពេទ្យបានពិនិត្យហើយប្រាប់ថា ជនរងគ្រោះបានស្លាប់បាត់ទៅហើយ ។ សពជនរងគ្រោះត្រូវបានរថយន្តមន្ទីរពេទ្យបង្អែកស្រុកស្វាយចេកដឹកយកទៅប្រគល់ជូនក្រុមគ្រួសារចាត់ចែងតាមប្រពៃណី៕