អ៊ីស្រាអែលទម្លាក់គ្រាប់បែកនៅតំបន់ហ្គាហ្សា បន្ទាប់ពីអង្គការសហប្រជាជាតិព្រមានថាទឹកដីមិនអាចមានមនុស្សរស់នៅបាន
ហ្សេរុយសាឡឹម៖ អ៊ីស្រាអែលបានទម្លាក់គ្រាប់បែកលើតំបន់ហ្គាហ្សាកាលពីថ្ងៃសៅរ៍ ទី៦ ខែមករា ខណៈដែលអង្គការសហប្រជាជាតិបានព្រមានថា ទឹកដីប៉ាឡេស្ទីនបានក្លាយទៅជា មិនអាចរស់នៅបាន បន្ទាប់ពីបីខែនៃការប្រយុទ្ធគ្នាដែលគំរាមកំហែងដល់ការវាយលុកតំបន់កាន់តែទូលំទូលាយ។
អ្នកឆ្លើយឆ្លងព័ត៌មាន AFP បានរាយការណ៍ថា ការវាយប្រហាររបស់អ៊ីស្រាអែលនៅព្រឹកថ្ងៃសៅរ៍លើទីក្រុង Rafah ភាគខាងត្បូងនៃតំបន់ហ្គាហ្សា ជាកន្លែងដែលមនុស្សរាប់សែននាក់បានស្វែងរកទីជម្រកពីការប្រយុទ្ធគ្នា។
ជនស៊ីវិលនៅតែបន្តទទួលបន្ទុកដ៏ធំធេងនៃជម្លោះនេះ ជាមួយនឹងការព្រមានរបស់អង្គការសហប្រជាជាតិអំពីវិបត្តិមនុស្សធម៌កាន់តែស៊ីជម្រៅ នៅពេលដែលមានគ្រោះទុរ្ភិក្ស និងជំងឺរីករាលដាល។
Abu Mohammed អាយុ ៦០ ឆ្នាំដែលបានភៀសខ្លួនទៅ Rafah ពីជំរុំជនភៀសខ្លួន Bureij កណ្តាលបានប្រាប់ AFP ថាអនាគតរបស់ Gaza គឺ ងងឹតនិងអាប់អួរនិងពិបាកខ្លាំងណាស់។
ជាមួយនឹងទឹកដីជាច្រើនត្រូវបានកាត់បន្ថយទៅជាគំនរបាក់បែក ប្រធានផ្នែកមនុស្សធម៌អង្គការសហប្រជាជាតិលោក Martin Griffiths បានបញ្ជាក់កាលពីថ្ងៃសុក្រថា តំបន់ហ្កាហ្សាបានក្លាយជាតំបន់គ្មានមនុស្សរស់នៅ។
ទីភ្នាក់ងារកុមាររបស់អង្គការសហប្រជាជាតិបានព្រមានថា ការប៉ះទង្គិចគ្នា កង្វះអាហារូបត្ថម្ភ និងកង្វះសេវាសុខភាពបានបង្កើត វដ្តដ៏គ្រោះថ្នាក់ដែលគំរាមកំហែងដល់កុមារជាង ១.១ លាននាក់ នៅក្នុងតំបន់ហ្គាហ្សា។
អ្នកនាំពាក្យយោធាលោក Daniel Hagari បានឲ្យដឹងកាលពីល្ងាចថ្ងៃសុក្រថា កងកម្លាំងអ៊ីស្រាអែលកំពុងបន្ត ប្រយុទ្ធនៅគ្រប់ផ្នែកទាំងអស់នៃ Gaza Strip នៅភាគខាងជើង កណ្តាល និងភាគខាងត្បូង។
លោក Hagari បានលើកឡើងថា កងកម្លាំងអ៊ីស្រាអែលកំពុងរក្សា ស្ថានភាពនៃការត្រៀមខ្លួនខ្ពស់ នៅជិតព្រំដែនជាមួយប្រទេសលីបង់ បន្ទាប់ពីមានការសម្លាប់មេបញ្ជាការកំពូលរបស់ក្រុមហាម៉ាស់ នៅក្នុងការវាយប្រហារមួយក្នុងទីក្រុង Beirut ។
អ៊ីស្រាអែលមិនបានអះអាងទទួលខុសត្រូវចំពោះការវាយប្រហារនោះទេ ប៉ុន្តែមន្ត្រីការពារជាតិអាមេរិកម្នាក់បានប្រាប់ AFP ថា អ៊ីស្រាអែលបានអនុវត្តវា។
ប្រភព៖ CNA
ប្រែសម្រួលដោយ៖ ហៃ ឆៃមុីនាង
