ឧត្តមសេនីយទោ សេង ធារិន ទួលស្វាគមន៍ អនុប្រធាននយោបាយ ភូមិភាគទី៧ ប្រធានគណៈដឹកនាំ ៥១៥ និងប្រតិភូយោធភូមិភាគទី៧ អញ្ជើពិភាក្សាការងារ នៅយោធភូមិភាគទី៥

ភ្នំពេញ៖ ឧត្តមសេនីយទោ សេង ធារិន មេបញ្ជាការស្ដីទី យោធភូមិភាគទី៥ នាថ្ងៃទី២ ខែធ្នូ ឆ្នាំ២០២៣ បានអញ្ជើញជួបសំណេះសំណាល និងប្រជុំពិភាក្សាការងារ ការរុករក ជីកគាស់អដ្ឋិធាតុកងទ័ពស្ម័ក្រចិត្ត និងជំនាញការវៀតណាម ដែលបានពលីជីវិតនាសម័យសង្គ្រាមនៅកម្ពុជា ក្នុងភូមិសាស្ត្រខេត្តបាត់ដំបង ជាមួយគណៈប្រតិភូយោធភូមិភាគទី៧ នៃកងទ័ពប្រជាជនវៀតណាម ដឹកនាំដោយឧត្ដមសេនីយ៍ត្រី ត្រិន វីញង៉ុក អនុប្រធាននយោបាយ ភូមិភាគទី៧ ប្រធានគណៈដឹកនាំ៥១៥ នៃកងទ័ពប្រជាជនវៀតណាម នៅទីបញ្ជាការយោធភូមិភាគទី៥។

ឧត្តមសេនីយ៍ទោ សេង ធារិន បានសម្តែងការស្វាគមន៍ ចំពោះប្រតិភូកងទ័ពវៀតណាម ក្នុងដំណើរទស្សនកិច្ចពិភាក្សាការងារ រុករកជីកគាស់ អដ្ឋិធាតុ កងទ័ពស្មក្រ័ចិត្ត ដែលបានពលីជីវិតនាសមយ័សង្គ្រាមនៅកម្ពុជា។

លោកមេបញ្ជាការស្តីទី ក៏បានសម្តែងការផ្តាំផ្ញើសួរសុខទុក្ខ តាមរយៈក្រុមការងារកងទ័ពប្រជាជនវៀតណាម ជូនចំពោះក្រុមគ្រួសារយុទ្ឋជនស្ម័គ្រចិត្តកងទ័ពវៀតណាម ដែលបានពលីជីវិតនៅលើទឹកដីកម្ពុជានាពេលកន្លងមក និងបានថ្លែងអំណរគុណយ៉ាងជ្រាលជ្រៅចំពោះគណៈប្រតិភូយោធភូមិភាគទី៧ កងទ័ពប្រជាជនវៀតណាម ដែលបានចំណាយពេលវេលាដ៏មានតម្លៃ មកជួបសំណេះសំណាល នាពេលនេះ គឺដើម្បីពង្រឹងមិត្តភាព ជាពិសេសត្រូវសហការគ្នា និងអភិឌ្ឍលើគ្រប់វិស័យ បន្តនូវកិច្ចសហប្រតិបត្តិការពូនជ្រំឲ្យកាន់តែជិតស្និទ្ធទ្វេឡើងថែមទៀត រវាងប្រជាជននៃប្រទេសទាំងពីរ និយាយជារួម និងនិយាយដោយឡែក រវាងយោធភូមិភាគទី៥ ជាមួយបញ្ជាការដ្ឋានយោធភូមិភាគទី៧ នៃកងទ័ពប្រជាជនវៀតណាម។

ជាការឆ្លើយតប ឧត្ដមសេនីយ៍ត្រី ត្រិន វីញង៉ុក អនុប្រធាននយោបាយ យោធភូមិភាគទី៧ ប្រធានគណៈដឹកនាំ៥១៥ នៃកងទ័ពប្រជាជនវៀតណាម បានសម្តែងនូវអំណរអរគុណចំពោះការទទួលស្វាគមន៍ គណៈប្រតិភូវៀតណាមយ៉ាងយកចិត្តទុកដាក់ និងបានជួយបង្កលក្ខណៈងាយស្រួលគ្រប់បែបយ៉ាង ដល់ក្រុមការងាររុករក ជីកគាស់ និងធ្វើមាតុភូមិនិវត្តន៍អដ្ឋិធាតុ កងទ័ពស្ម័គ្រចិត្តវៀតណាមនៅលើទឹកដីខេត្តបាត់ដំបង និងបានពាំនាំយកថវិកាមួយចំនួនដើម្បីជាការជួយឧបត្ថម្ភ បង្កលទ្ធភាពដល់កិច្ចសហប្រតិបត្តិការរុករក ជីកគាស់អដ្ឋិធាតុ កងទ័ពស្ម័គ្រចិត្តវៀតណាមបន្តទៅទៀត ព្រមជាមួយនោះប្រតិភូបានជូន ការដូរអនុស្សាវរីយ៍ទៅវិញទៅមកផងដែរ៕