សម្ដេចអធិបតី ហ៊ុន ម៉ាណែត អរគុណលោក David Soth ដែលសម្របសម្រួលជាមួយនិងក្រុមហ៊ុន ផ្សព្វផ្សាយរូបភាពស្វាគមន៍សម្តេច តាមដងវិថីនាទីក្រុងញូវយ៉ក

ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានថ្លែងអំណរគុណលោក David Soth ដែលសម្របសម្រួលជាមួយនិងក្រុមហ៊ុន ផ្សព្វផ្សាយរូបភាពស្វាគមន៍សម្តេច តាមដងវិថីនាទីក្រុងញូវយ៉ក សហរដ្ឋអាមេរិក។

តាមរយៈបណ្ដាញសង្គមនៅថ្ងៃទី២៥ ខែកញ្ញានេះ សម្ដេចធិបតីបានលើកលើងយ៉ាងដូច្នេះថា “សូមអរគុណចំពោះប្អូនប្រុស David Soth ដោយបានសម្របសម្រួលជាមួយនឹងក្រុមហ៊ុនផ្សាយពាណិជ្ជកម្ម ដែលប្អូនកំពុងធ្វើការជាមួយ ដើម្បីផ្សព្វផ្សាយអំពីរូបភាពស្វាគមន៍ ដល់រូបខ្ញុំនៅលើ Billboard តាមតំបន់សំខាន់ៗមួយចំនួននៅទីក្រុងញូវយ៉ក ជាពិសេសនៅ Time Square ដោយឥតគិតថ្លៃ និងដោយមិនមានការស្នើសុំពីអ្នកណានេះគឺជាទឹកចិត្តដ៏ប្រពៃរបស់ប្អូន សម្រាប់រូបខ្ញុំផ្ទាល់ ក៏ដូចជារាជរដ្ឋាភិបាលកម្ពុជា”។

សូមរំលឹកថា កូនខ្មែរម្នាក់មានកំណើតនៅទឹកដីអាមេរិក ឈ្មោះ David Soth គាត់ជាអ្នកធ្វើការជាមួយក្រុមហ៊ុនផ្សាយពាណិជ្ជកម្ម ហើយបានស្នើសុំទៅថៅកែរបស់ខ្លួន ជួយផ្សព្វផ្សាយអំពីរូបភាព របស់ សម្តេចធិបតីហ៊ុន ម៉ាណែត នៅលើ Billboard ក្នុងតំបន់សំខាន់ៗ ពិសេស Time Square ដោយមិនបានប្រើប្រាស់ថវិកា ឬការស្នើសុំអ្វីនោះទេ ពីរាជរដ្ឋាភិបាលកម្ពុជាឡើយ៕