យោធភូមិភាគទី៤ ចុះអប់រំផ្សព្វផ្សាយស្តីពី គោលគំនិតយេនឌ័រ ដល់សិក្ខាកាមដែលកំពុងហ្វឹកហ្វឺន នៅទីបញ្ជាការទិសកណ្តាល អូរកូនតឹង
ភ្នំពេញ៖ នៅថ្ងៃទី ២៣ ខែ សីហា ឆ្នាំ២០២៣ ក្រុមការងារយេនឌ័រ យោធភូមិភាគទី៤ ដឹកនាំដោយលោកស្រី វរសេនីយ៍ឯក វេជ្ជ.ពេជ្រ សុវណ្ណ នាយសេនាធិការរង និងប្រធានក្រុមការងារយេនឌ័រ យោធភូមិភាគទី៤ បានរៀបចំវេទិកាអប់រំផ្សព្វផ្សាយស្តីពី គោលគំនិតយេនឌ័រ ដល់ សិក្ខាកាមកំពុងហ្វឹកហ្វឺន នៅទីបញ្ជាការទិសកណ្តាល អូរកូនតឹង ដែលមានអ្នកចូលរួមសរុបចំនួន ៦១ នាក់។
វេទិកាផ្សព្វផ្សាយនេះមានគោលបំណង ដើម្បីបង្កើនការយល់ដឹងដល់សិក្ខាកាមអំពី÷
– និយមន័យ យេនឌ័រ ភេទ សមភាពយេនឌ័រ សមធម៌យេនឌ័រ
– ភាពខុសគ្នារវាងយេនឌ័រ និងភេទ
– តួនាទីយេនឌ័រ និង
– តម្រូវការយេនឌ័រ។
យោងតាមផែនការអភិវឌ្ឍន៍ប្រទេស ដោយបានផ្តល់ជាគោលនយោបាយសមភាព”យែនឌ័រ” ដែលចាត់ទុកស្ត្រីជាឆ្អឹងខ្នងនៃសេដ្ឋកិច្ច និងសង្គមជាតិ ក្នុងដំណើរឆ្ពោះទៅមុខ និងលើកកម្ពស់ស្ថានភាព សិទ្ធិ ឋានៈ និងតួនាទីរបស់ស្ត្រីនៅកម្ពុជា ដើម្បីសមភាពពិតប្រាកដរវាងបុរសនឹងស្ត្រីដែលជាបំណងប្រាថ្នារបស់បុគ្គលគ្រប់រូប គ្រប់វិស័យ គ្រប់ទីកន្លែង។ ជាពិសេសស្ត្រីជាភ្នាក់ងារនាំមកនូវការផ្លាស់ប្ដូរឥរិយាបថក្នុងគ្រួសារតាមរយៈ ការអប់រំទូន្មានកូន ចៅឲ្យបានល្អ មិនប្រព្រឹត្តអំពើឧបាយមុខ និងការប្រើហិង្សាគ្រប់រូបភាពឡើយ៕