បាត់ដំបង៖ កាលពីថ្ងៃទី៩ ខែសីហា ឆ្នាំ២០២៣ វេលាម៉ោង១៤ និង១៥នាទី នគរបាលស្រុកកំរៀង បានចុះប្រតិបត្តិការបង្ក្រាបករណីរក្សាទុក ចែកចាយ និងជួញដូរដោយខុសច្បាប់នូវសារធាតុញៀន ១ករណី ឃាត់ខ្លួនជនសង្ស័យចំនួន ០២នាក់ ស្ថិតនៅចំណុចភូមិអូរចម្លង ឃុំតាសែន ស្រុកកំរៀង ខេត្តបាត់ដំបង។
ក្នុងកិច្ចប្រតិបត្តិការនេះ សមត្ថកិច្ចឃាត់ខ្លួនជនសង្ស័យបាន ០២នាក់ ៖ ១-ឈ្មោះ កែ ឈាងវែង ភេទប្រុស អាយុ៦១ឆ្នាំ មានទីលំនៅភូមិអូរចម្លង ឃុំតាសែន ស្រុកកំរៀង ខេត្តបាត់ដំបង។ ២-ឈ្មោះ ចាប បារាំង ភេទប្រុស អាយុ ២៤ឆ្នាំ មានទីលំនៅភូមដីក្រហម ឃុំតាសែន ស្រុកកំរៀង ខេត្តបាត់ដំបង។
វត្ថុតាងដកហូតបានរួមមាន៖ -ថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន ០៨ថង់-ថ្នាំញៀនប្រភេទមេតំហ្វេតាមីន (យ៉ាម៉ា WY) ចំនួន ០២គ្រាប់ -ទូរស័ព្ទដៃចំនួន ០១គ្រឿង -កូនថង់សំរាប់រំលែកច្រកថ្នាំញៀនលក់ -សំភារ:សំរាប់ប្រើប្រាស់ថ្នាំញៀនមួយចំនួន។
បច្ចុប្បន្នជនសង័្សយទាំង០២នាក់ រួមនឹងវត្ថុតាងត្រូវបានកម្លាំងនគរបាលស្រុកកំរៀងកំពុងរៀបចំសំណុំរឿងបញ្ជូនមកការិយាល័យជំនាញខេត្ត ដើម្បីចាត់ការបន្តនីតិវិធី -ច្បាប់៕
