ពលរដ្ឋក្រីក្រប្រភេទ១ ជាង ១០០គ្រួសារ នៅស្រុកអង្គរបូរី និងស្រុកព្រៃកប្បាស ទទួលបានអំណោយមនុស្សធម៌ ពីសាខាកាកបាទក្រហមម្ពុជា ខេត្តតាកែវ
ភ្នំពេញ៖ ឯកឧត្តម អ៊ូច ភា ប្រធានគណៈកម្មាធិការសាខា កាកបាទក្រហមកម្ពុជាខេត្តតាកែវ រួមដំណើរដោយ ឯកឧត្តម លោកជំទាវ សមាជិកគណៈកម្មាធិការសាខា លោកនាយកប្រតិបត្តិសាខា និងមន្ត្រីប្រតិបត្តិសាខាកាកបាទក្រហមកម្ពុជា ខេត្តតាកែវ នាថ្ងៃទី៤ ខែមេសា ឆ្នាំ២០២៣ បានអញ្ជើញសួរសុខទុក្ខ និងនាំយកអំណោយមនុស្សធម៌របស់សាខាកាកបាទក្រហមម្ពុជា ខេត្តតាកែវ មកចែកជូនគ្រួសារប្រជាពលរដ្ឋក្រីក្រប្រភេទ១ ចំនួន ៥០គ្រួសារ នៅស្រុកអង្គរបូរី និង ប្រជាពលរដ្ឋក្រីក្រប្រភេទ១ ចំនួន ៧០គ្រួសារ នៅស្រុកព្រៃកប្បាស ខេត្តតាកែវ។
អំណោយដែលបានផ្ដល់ជូន រួមមាន៖ អង្ករ២៥ គីឡូក្រាម កន្ទេល១ មុង១ ភួយ១ សារុង១ ក្រមារ១ មីមួយកេស និងថវិកាមួយចំនួនផងដែរ៕
