ឯកឧត្តម អ៉ិត ប្រាំង ដឹកនាំគណៈប្រតិភូក្រសួងរ៉ែនិងថាមពល ចូលរួមគោរពវិញ្ញាណក្ខន្ធសព លោកជំទាវ ប៊ុន ស៊ីថា ហៅ ប៊ុន សាមហ៊ឹង
ភ្នំពេញ៖ ឯកឧត្តម អ៉ិត ប្រាំង រដ្ឋលេខាធិការប្រចាំការនៃក្រសួងរ៉ែនិងថាមពល តំណាង ឯកឧត្តម ស៊ុយ សែម រដ្ឋមន្រ្ដីក្រសួងរ៉ែនិងថាមពល នារសៀលថ្ងៃអាទិត្រ ១៥កើត ខែមាឃ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី០៥ ខែកុម្ភៈ ឆ្នាំ២០២៣ បានអញ្ជើញដឹកនាំគណៈប្រតិភូក្រសួង ចូលរួមគោរពវិញ្ញាណក្ខន្ធសព លោកជំទាវ ប៊ុន ស៊ីថា ហៅ ប៊ុន សាមហ៊ឹង ភរិយាឯកឧត្តម តាន់ បញ្ញាវុធ ដែលត្រូវជាប្អូនស្រីបង្កើតរបស់ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលបានទទួលមរណភាពកាលពីថ្ងៃសុក្រ ១៣កើត ខែមាឃ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៣ ខែកុម្ភៈ ឆ្នាំ២០២៣ វេលាម៉ោង៦:១៣នាទីល្ងាច ក្នុងជន្មាយុ ៦៧ឆ្នាំ ដោយជរាពាធ។
មរណភាពរបស់លោកជំទាវ ប៊ុន ស៊ីថា គឺជាការបាត់បង់ដ៏ធំធេងនូវភរិយា ម្តាយ ជីដូន ប្រកបដោយព្រហ្មវិហារធម៌ប្រពៃមួយរូបជាទីគោរពស្រឡាញ់ចំពោះស្វាមី កូន ចៅគ្រប់ៗរូប។ លើសពីនេះទៅទៀត មរណភាពរបស់លោកជំទាវ ក៏ជាការបាត់បង់ដ៏ធំធេងសម្រាប់សង្គមជាតិ ដែលលោកជំទាវបានខិតខំបំពេញការងារ និងចូលរួមអភិវឌ្ឍន៍ជូនជាតិមាតុភូមិ ៕
