ឧត្តមសេនីយ៍ ម៉ឹង សំផន អញ្ជើញជួបសំណេះសំណាល និងផ្ដល់អំណោយដល់នាយទាហាន ថ្នាក់ដឹកនាំ វេជ្ជបណ្ឌិត លោកគ្រូ អ្នកគ្រូពេទ្យនិងយោធិន ជំងឺ របួស ដែលកំពុងសំរាក ព្យាបាលនៅក្នុងមន្ទីពេទ្យព្រះកេតុមាលា

ភ្នំពេញ៖ ឯកឧត្តម នាយឧត្តមសេនីយ៍ ម៉ឹង សំផន រដ្ឋលេខាធិការក្រសួងការពារជាតិ តំណាងដ៏ខ្ពង់ខ្ពស់សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ នាព្រឹកថ្ងៃ៧ ខែកញ្ញា ឆ្នាំ២០២២ បានដឹកនាំប្រតិភូរបស់ក្រសួងការពារជាតិ ចុះជួបសំណេះសំណាល សាកសួរសុខទុក្ខនឹងនាំយកនូវអំណោយរបស់ក្រសួងការពារជាតិទៅចែកជូមដល់ នាយទាហាន ថ្នាក់ដឹកនាំ វេជ្ជបណ្ឌិត លោកគ្រូ អ្នកគ្រូពេទ្យនិងយោធិន ជំងឺ របួស ដែលកំពុងសំរាក ព្យាបាលនៅក្នុងមន្ទីពេទ្យព្រះកេតុមាលា ក្នុងឧិកាសពិធីបុណ្យភ្ជុំបិណ្ឌ កាន់បិណ្ឌឈានមកដល់នៅថ្ងៃអាទិត្យ ទី១១ ខែកញ្ញា ឆ្នាំ២០២២ខាងមុខនេះ។

មានប្រសាសន៍សំណេះសំណាលនាឱកាសនោះ ឯកត្តម ម៉ឹង សំផន ក្នុងនាមថ្នាក់ដឹកនាំក្រសួងការពារជាតិ បាននាំនូវក្តីនឹករលឹកប្រកបដោយ មនោសញ្ចេតនា គោរព ស្រឡាញ់ដ៏ជ្រាលជ្រៅនឹងបណ្តាំផ្ញើសាកសួរ សុខទុក្ខពីសំណាក់សម្ដេចពិជ័យសេនា ទៀ បាញ់និង ថ្នាក់ដឹកនាំក្នុងក្រសួងការពារជាតិ ពិសេស សម្តេចតេជោ ហ៊ុន សែននិងសម្តេចកិត្តិព្រឹទ្ឋបណ្ឌិត ប៊ុន រ៉ានី ហ៊ុន សែន ជូនចំពោះបងប្អូនយោធិន ជំងឺ របួស ទាំង អស់ដែលកំពុងសម្រាកព្យាបាលនៅក្នុងមន្ទីរពេទ្យព្រះ កេតុមាលាក្នុងឱកាសនៃពិធីបុណ្យភ្ជុំបិណ្ឌនឹងឈាន ចូលមកដល់នៅពេលដ៍ខ្លីខាងមុខ ដោយបានជូនពរ ជូន ដល់នាយទាហានទាំងអស់ សូមឲ្យបានសមប្រកបទៅ ដោយសេចក្ដីសុខ សេចក្ដីចម្រើន មានសុខភាពល្អ មាំមួនមានសុភមង្គលក្នុងក្រុមគ្រួសារនិងសូមឱ្យបាន ឆាប់ជាសះស្បើយពីជំងឺ៕