អនុរដ្ឋលេខាធិការក្រសួងអប់រំ ចុះផ្សព្វផ្សាយពីព្រឹត្តិការណ៍ប្រកួតស្នាដៃគំនូរ កុមារក្រោមប្រធានបទ “ការអប់រំឌីជីថល វិទ្យាសាស្ត្រ និងបច្ចេកវិទ្យា និងកិច្ចសហប្រតិបត្តិការអាស៊ាន”
ភ្នំពេញ៖ ឯកឧត្តមបណ្ឌិត សាន វឌ្ឍនា អនុរដ្ឋលេខាធិការ ក្រសួងអប់រំ យុវជន និង កីឡា និងក្រុមការងារនៃមជ្ឈមណ្ឌលអាស៊ាន សម្រាប់ការអប់រំឌីជីថល (ASEAN Center for Digital Education) ក្រសួងអប់រំ កាលពីថ្ងៃទី១ ខែកញ្ញា ឆ្នាំ២០២២ បានចុះធ្វើការផ្សព្វផ្សាយអំពីព្រឹត្តិការណ៍ប្រកួតស្នាដៃគំនូរកុមារក្រោមប្រធានបទ “ការអប់រំឌីជីថល វិទ្យាសាស្ត្រ និងបច្ចេកវិទ្យា និងកិច្ចសហប្រតិបត្តិការអាស៊ាន” ទៅកាន់សិស្សា នុសិស្សនៃ សាលារៀនអន្តរជាតិទ្រូវីហ្សិនកម្ពុជា។
ថ្លែងក្នុងឱកាសនោះឯកឧត្តមបណ្ឌិត សាន វឌ្ឍនា បានមានប្រសាសន៍ថា ដើម្បីអបអរសាទរដល់ពិធីសម្ពោធជាផ្លូវការ នៃមជ្ឈមណ្ឌលអាស៊ានសម្រាប់ការអប់រំឌីជីថល (ASEAN Center for Digital Education) ក្រសួងអប់រំ យុវជន និងកីឡា និងដើម្បីចូលរួមព្រឹត្តការណ៍អមរបស់កម្ពុជា ក្នុងកិច្ចប្រជុំកំពូលអាស៊ានលើកទី៤១ ឆ្នាំ២០២២ ក្នុងវិស័យអប់រំ យុវជន និងកីឡាដែលនឹងប្រព្រឹត្តទៅនៅខែតុលា ឆ្នាំ២០២២ ខាងមុខនេះ៕
