គ្រួសារក្រីក្រ និងជនមានពិការភាព ក្នុងខេត្តកំពង់ស្ពឺ ទទួលបានការយកចិត្តទុកដាក់ពីក្រុមគ្រូពេទ្យ ក្នុងការចាក់វ៉ាក់សាំងបង្ការជំងឺកូវីដ១៩
ភ្នំពេញ៖ សកម្មភាពនៃការចុះគាំទ្រ ក្នុងយុទ្ធនាការកិច្ចចាក់វ៉ាក់សាំងកូវីដ-១៩ ជូនគ្រួសារក្រីក្រ និងជនមានពិការភាព របស់ខេត្តកំពង់ស្ពឺ ដោយមានការយកចិត្តទុកដាក់ពីក្រុមគ្រូពេទ្យ ការចុះផ្សព្វផ្សាយ កៀរគរ និងជំរុញរបស់អាជ្ញាធរមូលដ្ឋានគ្រប់លំដាប់ថ្នាក់ ព្រមទាំងមានការចូលរួមសម្របសម្រួល និងដឹកជញ្ជូនជនចាស់ជរា ជនមានពិការភាព និងគ្រួសារក្រីក្រដែលខ្វះលទ្ធភាព មកទទួលការចាក់វ៉ាក់សាំង ពីក្រុមយុវជន ស.ស.យ.ក ក្រុង ស្រុក ឃុំ សង្កាត់ យ៉ាងសស្រាក់សស្រាំ។
យុទ្ធនាការនេះប្រព្រឹត្តទៅ ចាប់ពីថ្ងៃទី៣១ ខែសីហា ដល់ថ្ងៃទី៥ ខែកញ្ញា ឆ្នាំ ២០២២ ក្រោមការដឹកនាំ និងចង្អុលបង្ហាញដោយឯកឧត្តម សរ សុពុត្រា អភិបាលរងខេត្ត នៅគ្រប់មណ្ឌលសុខភាព ប៉ុស្ត៍សុខភាព ការិ.ប្រតិបត្តិស្រុក និងក្នុងវត្តមួយចំនួនផងដែរ ៕
