មន្រ្តីជំនាញ បន្តរកឃើញលើដេប៉ូប្រេងឥន្ធនៈ ៣ទីតាំងទៀត ក្នុងរាជធានី-ខេត្តចំនួន២ ដែលលក់មិនគ្រប់លីត្រ

ភ្នំពេញ៖ ចាប់ពីថ្ងៃទី២៥-២៩ ខែសីហា ឆ្នាំ២០២២ មន្រ្តីជំនាញ ក.ប.ប. សាខារាជធានីភ្នំពេញ និងខេត្តបាត់ដំបង បន្តប្រតិបត្តិការត្រួតពិនិត្យប្រេងឥន្ធនៈ នៅតាមស្ថានីយ/ដេប៉ូ ក្នុងគោលបំណងចម្បងដើម្បី៖

– ស្វែករកភាពមិនអនុលោមណាមួយក្នុងវិស័យមួយនេះ
– ដើម្បីការពារផលប្រយោជន៍អ្នកប្រើប្រាស់
– ទប់ស្កាត់អំពើមិនស្មោះត្រង់ ពីសំណាក់ម្ចាស់ស្ថានីយ/ដេប៉ូប្រេងឥន្ធនៈពីការកេងប្រវ័ញ្ចដោយចេតនា និងអចេតនាពីអតិថិជនដែលជាអ្នកប្រើប្រាស់
– ចៀសវាងការធ្វើធុរកិច្ចមិនសុចរិត
– និងរក្សាការធ្វើធុរកិច្ចប្រកបដោយសមធម៌ក្នុងទីផ្សារ ក៏ដូចជាការប្រកួតប្រជែងដោយស្មោះត្រង់បំផុត។

ជាក់ស្ដែងតាមលទ្ធផលឃើញថាដេប៉ូប្រេងឥន្ធនៈចំនួន ៣ទីតាំងត្រូវបានមន្រ្តីជំនាញរកឃើញមិនមានអនុលោមភាព ក្នុងចំណោម ១៥ទីតាំងដែលបានត្រួតពិនិត្យ និងចាត់វិធានការពិន័យអន្តរការណ៍ទៅតាមនីតិវិធីផងដែរ ៕