ឃាត់ខ្លួនជនសង្ស័យ ២នាក់ ករណីដាក់អន្ទាក់ចាប់សត្វព្រៃ

ពោធិ៍សាត់៖ ជនសង្ស័យ ២នាក់ត្រូវបានកម្លាំងនគរបាលស្រុកភ្នំក្រវាញឃាត់ខ្លួនកាលពីថ្ងៃទី ២៦ ខែ សីហា ឆ្នាំ ២០២២ ស្ថិតនៅភូមិព្រងិល ឃុំព្រងិល ស្រុកភ្នំក្រវាញ ខេត្តពោធិ៍សាត់ ពាក់ព័ន្ធក្នុងករណីលាក់អាវុធខុសច្បាប់ម៉ាកសេកាសេចំនួនដើម និង សំភារះមូយចំនួនសម្រាប់ធ្វើជាអន្ទាក់ ទាក់សត្វព្រៃរួមនិងម៉ូតូចំនួន ២ គ្រឿង។

បើតាមរបាយការណ៍របស់អធិការដ្ឋាននគរបាលស្រុកភ្នំក្រវាញបានអោយដឹងថា ជនសង្ស័យទាំង ២ នាក់នោះមាន ១ ឈ្មោះស្រស់ ហឿន ភេទប្រុសអាយុ ៤៣ ឆ្នាំរស់នៅភូមិទួលគ្រួស សង្កាត់ចំរើនផល ក្រុងពោធិសាត់ និង ទី២ ឈ្មោះហឿន សុភ័ណ្ឌ ភេទប្រុសអាយុ ៣៩ ឆ្នាំរស់នៅភូមិទួលគ្រួស សង្កាត់ចំរើនផល ក្រុងពោធិសាត់ ខេត្តពោធិសាត់។

បច្ចុប្បន្នជនសង្ស័យទាំង ២ នាក់រួមនឹងវត្ថុតាងសមត្ថកិច្ចកំពុងកសាងសំណុំរឿងចាត់ការទៅតាមនីតិវិធី៕