វរសេនីយ៍ទោ ឈាង សុវណ្ណរតនា អញ្ជើញសំណេះសំណាល សាកសួរសុខទុក្ខសិក្ខាកាម កំពុងហ្វឹកហ្វឺនវគ្គពង្រឹងអង្គភាព នៃតំបន់ប្រតិបត្តិការសឹករងបាត់ដំបង
ភ្នំពេញ៖ លោកវរសេនីយ៍ទោ ឈាង សុវណ្ណរតនា មេបញ្ជាការរង កងអន្តរាគមន៍ទ័ពពិសេសលេខ២៤៦ បញ្ជាការដ្ឋានអង្គរក្ស នៅថ្ងៃទី២៥ ខែសីហា ឆ្នាំ២០២២ បានជួបសំណេះសំណាល និងសាកសួរសុខទុក្ខដល់សិក្ខាកាម ដែលកំពុងហ្វឹកហ្វឺនវគ្គពង្រឹងអង្គភាព នៃតំបន់ប្រតិបត្តិការសឹករងបាត់ដំបង នៅទីបញ្ជាការតំបន់ប្រតិបត្តិការសឹករងបាត់ដំបង ស្ថិតនៅភូមិដំណាក់ហ្លួង សង្កាត់វត្តគរ ក្រុងបាត់ដំបង ខេត្តបាត់ដំបង។
ជំនួសមុខឲ្យមេបញ្ជាការយោធភូមិភាគទី៥ ឧត្តមសេនីយ៍ទោ ច័ន្ទ រដ្ឋា មេបញ្ជាការរង យោធភូមិភាគទី៥ បានសម្ដែងនូវមនោសញ្ចេតនា រំភើបរីករាយក្រៃលែង ជាទីបំផុតដល់បញ្ជាការដ្ឋានអង្គរក្ស ដែលតែងតែយកចិត្តទុកដាក់ រួមសុខរួមទុក្ខ គិតគូរពីទុក្ខលំបាករបស់កងកម្លាំងប្រដាប់អាវុធ ស្របតាមគោលនយោបាយដឹកនាំប្រកបដោយកិត្តិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងជាប្រមុខដឹកនាំដ៏ខ្ពង់ខ្ពស់បំផុត ។
ក្នុងឱកាសចុះសួរសុខទុក្ខនេះដែរ លោកវរសេនីយ៍ទោ ឈាង សុវណ្ណរតនា បាននាំយកអំណោយរបស់ឯកឧត្តម នាយឧត្តមសេនីយ៍កិត្តិបណ្ឌិត ហ៊ីង ប៊ុនហៀង អគ្គមេបញ្ជាការរង មេបញ្ជាការ បញ្ជាការដ្ឋានអង្គរក្សចែកជូនដល់សិក្ខាកាមក្នុងវគ្គហ្វឹកហ្វឺនពង្រឹងអង្គភាពតំបន់ប្រតិបត្តិការសឹករងបាត់ដំបង រួមមាន៖ អាវចំនួន ១៥០កំប្លេរ មួកចំនួន ១៥០មួក អំពូភ្លើងសូឡាចំនួន ២០គ្រាប់ កន្សែងចំនួន១០០ តង់ចំនួន ០៥តង់ និងថវិកាជូនដល់សិក្ខាកាម ក្នុងម្នាក់ៗចំនួន ២០.០០០រៀល ផងដែរ៕
