នាយឧត្ដមសេនីយ៍ ជួន សុវណ្ណ៖ គ្រឿងញៀន នៅតែជាបញ្ហាសកល បង្កើតជាវិបត្តិសង្គមដ៏ស្មុគស្មាញ ហើយបាននិងកំពុងបង្កជាកត្តាប្រឈម

ភ្នំពេញ៖ នាយឧត្ដមសេនីយ៍ ជួន សុវណ្ណ អនុប្រធានអាជ្ញាធរជាតិ ប្រយុទ្ធប្រឆាំងគ្រឿងញៀន បានចាត់ទុកថា គ្រឿងញៀននៅតែជាបញ្ហាសកល បង្កើតជាវិបត្តិសង្គមដ៏ស្មុគស្មាញ ហើយបាននិង កំពុងបង្កជាកត្តាប្រឈម ក្នុងកាលៈទេសៈ ចំពោះមុខ និងសម្រាប់រយៈពេលយូរអង្វែង។

កាលពីរសៀលថ្ងៃទី២៣ ខែសីហា ឆ្នាំ២០២២ អាជ្ញាធរជាតិប្រយុទ្ធប្រឆាំងគ្រឿងញៀនប្រយុទ្ធប្រឆាំងគ្រឿងញៀនបើកកិច្ចប្រជុំពិនិត្យលើសេចក្តីព្រាងរបាយការណ៍ស្តីពីលទ្ធផលការងារត្រួតពិនិត្យគ្រឿងញៀន ឆមាសទី១និងលើកទិសដៅការងារឆមាសទី២ ឆ្នាំ២០២២ ក្រោមអធិបតី ឯកឧត្ដម នាយឧត្ដមសេនីយ៍ ជួន សុវណ្ណ អនុប្រធាន តំណាងដ៏ខ្ពង់ខ្ពស់ឯកឧត្តម នាយឧត្ដមសេនីយ៍ កែ គឹមយ៉ាន ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន ដោយមានការអញ្ជើញចូលរួមពីឯកឧត្តម នាយឧត្តមសេនីយ៍ មាស វីរិទ្ធ អគ្គលេខាធិការ និងឯកឩត្តម លោកជំទាវ ឧត្តមសេនីយ៍ ជាអគ្គលេខាធិការរង ទីប្រឹក្សា ប្រធាននាយកដ្ឋាន អនុប្រធាននាយកដ្ឋាន និងអ្នកពាក់ព័ន្ធ។

នាយឧត្ដមសេនីយ៍ ជួន សុវណ្ណ បានចាត់ទុកថា គ្រឿងញៀននៅតែជាបញ្ហាសកល បង្កើតជាវិបត្តិសង្គមដ៏ស្មុគស្មាញ ហើយបាននិងកំពុងបង្កជាកត្តាប្រឈម ក្នុងកាលៈទេសៈចំពោះមុខ និងសម្រាប់រយៈពេលយូរអង្វែង និងសូមថ្លែងអំណរគុណដល់ក្រសួង ស្ថាប័ន សមាជិក និងក្រសួង ស្ថាប័នមិនមែនសមាជិកអាជ្ញាធរប្រយុទ្ធប្រឆាំងគ្រឿងញៀន គណៈកម្មាធិការត្រួតពិនិត្យគ្រឿងញៀនរាជធានី ខេត្ត និងការចូលរួមគាំទ្រពីអាជ្ញាធរដែនដីគ្រប់លំដាប់ថ្នាក់ កងកម្លាំងប្រដាប់អាវុធគ្រប់ប្រភទ វិស័យឯកជន វិស័យសាសនា អង្គការសង្គមស៊ីវិល និងប្រជាពលរដ្ឋគ្រប់មជ្ឈដ្ឋានដែលបានខិតខំប្រឹងប្រែងដោយស្មារតីទទួលខុសត្រូវខ្ពស់ក្នុងការអនុវត្តតាមផែនការជាតិស្តីពីការត្រួតពិនិត្យគ្រឿង យុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៧ គោលនយោបាយភូមិ-ឃុំ សង្កាត់មានសុវដ្ដី — និងសារាចរណែនាំ ស្តីពីការពង្រឹងវិធានការប្រយុទ្ធប្រឆាំងគ្រឿងញៀន ស្របតាមកម្មវិធីនយោបាយ _ស្ត្រចតុកោណដំណាក់កាលទី៤ និងគោលការណ៍ណែនាំស្ដីពីវិធានការទប់ស្កាត់ការឆ្លងរាលដាលជំងឺកូវីដ-១៩ ដើម្បីរួមចំណែកថែរក្សាសន្តិសុខ សណ្តាប់ធ្នាប់ សុខភាពសាធារណៈ ការអភិវឌ្ឍសង្គម និងការកសាងធ ប្រកបដោយសក្តានុពលសម្រាប់ជាតិ៕