កងពលតូចដឹកជញ្ជូនលេខ៩០ ទទួលអំណោយពីក្រុមហ៊ុន ទឹកបរិសុទ្ធអេរ៉ូទិច
ភ្នំពេញ៖ ឯកឧត្តម ឧត្តមសេនីយ៍ទោ ឈរ សុខ នាយសេនាធិការរង កងទ័ពជើងគោក មេបញ្ជាការកងពលតូចដឹកជញ្ជូនលេខ៩០ នៅថ្ងៃទី ២០ ខែសីហា ឆ្នាំ ២០២២ បានដឹកនាំនាយទាហានកងពល ទៅទទួលអំណោយ ដ៏ថ្លៃថ្លារបស់ ឧកញ៉ា ទៀវ ថៃ និង លោកជំទាវ វណ្ណ លុយ អគ្គនាយកក្រុមហ៊ុនទឹកពិសារ អេរ៉ូទិច ដែលតែងតែឧបត្ថម្ភ ដល់កងពលតូចដឹកជញ្ជូនលេខ៩០ អំណោយរួមមាន៖ ទឹកបរិសុទ្ធអេរ៉ូទិចចំនួន ៥០កេស អំពូលសូឡាចំនួន ១៥ដើម និងនំបន្លែចំនួន១០កេស ។
លោកឧកញ្ញា ទៀង ថៃ អគ្គនាយកក្រុមហ៊ុនទឺកបរិសុទ្ធអេរ៉ូទិច លោកជំទាវ វណ្ណ លុយ បានផ្តល់ជូនកងពលតូចដឹកជញ្ជូនលេខ៩០ កងទ័ពជើងគោក សម្រាប់ក្នុងប្រតិបត្តិការសង្គ្រោះផ្សេងៗ ។ ពិធីប្រគល់ ទទួលបានធ្វើនៅក្រុមហ៊ុនទឹកបរិសុទ្ធអេរ៉ូទិច ស្ថិតនៅសង្កាត់ គោកឃ្លាង ខ័ណ្ឌសែន សុខ រាជធានីភ្នំពេញ នាព្រឹកថ្ងៃទី២០ ខែសីហា ឆ្នាំ២០២២ ។
ឯកឧត្តម ឈរ សុខ បានប្រសិទ្ឋពរជ័យជូន លោកឧកញ្ញា ទៀង ថៃ និងលោកជំទាវ ព្រមទាំងក្រុមគ្រួសារ និងសហការីនៃក្រុមហ៊ុនទឹកបរិសុទ្ធអេរ៉ូទិច សូមទទួលបាននូវសុខភាពល្អបរិបូរណ៍ និងសម្រេចជោគជ័យគ្រប់ភារកិច្ច និងជួបតែពុទ្ធិពរទាំង៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
