នគរបាលស្រុកភ្នំព្រឹក អនុវត្តដីកាបង្គាប់ឱ្យនាំខ្លួនជនត្រូវចោទ ២នាក់តាមដីការបស់តុលាការ
ភ្នំពេញ៖ កាលពីថ្ងៃទី ១៨ ខែសីហា ឆ្នាំ២០២២ វេលាម៉ោង០៩និង០០នាទីនៅចំណុចប៉ុស្តិ៍នគរ បាលរដ្ឋបាលបារាំងធ្លាក់ ស្ថិតក្នុងភូមិ ចំ ការស្រូវ ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង អធិការនគរបាលស្រុកភ្នំព្រឹកបានដឹកនាំកម្លាំងផ្នែកនគរបាលយុត្តិធម៌ រួមជាមួយកម្លាំងប៉ុស្តិ៍នគរបាលរដ្ឋបាលបារាំងធ្លាក់ នៃអធិការដ្ឋាននគរបាលស្រុកភ្នំព្រឹក អនុវត្តដីកាបង្គាប់ឱ្យនាំខ្លួន លេខ៥២២តព្រ និងដីកាលេខ ៥២៣តព្រ ចុះថ្ងៃទី១០ ខែ សីហា ឆ្នាំ ២០២២ របស់លោក ឡូយ ចាន់ត្រា ចៅ ក្រមស៊ើបសួរ នៃសាលាដំបូងខេត្តបាត់ដំបង ដោយ បង្គាប់ឱ្យនាំខ្លួន ជនសង្ស័យចំនួន០២នាក់។
ជនសង្ស័យចំនួន២នាក់មានឈ្មោះ៖
១-ឈ្មោះ ពិន រុន ភេទប្រុស អាយុ ៣៦ឆ្នាំ
២-ឈ្មោះ បឿន បាន ភេទប្រុស អាយុ៣៨ឆ្នាំដែលជនសង្ស័យទាំងពីរនាក់ មានទីលំនៅភូមិ អូរជ្រៃ ឃុំបារាំង ស្រុកភ្នំព្រឹក ខេត្តបាត់ដំបង ត្រូវបានចោទប្រកាន់ពីបទ ហិង្សាដោយចេតនា មានស្ថានទម្ងន់ទោស និងធ្វើឱ្យខូចខាត ដោយចេតនា ប្រព្រឹត្តនៅចំណុចភូមិអូរជ្រៃ ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង កាលពីថ្ងៃទី ២៤ ខែធ្នូ ឆ្នាំ២០ ២០ ។
ជនត្រូវចោទទាំងពីរនាក់ខាងលើ សមត្ថកិច្ចនគរ បាលស្រុកបានប្រគល់ជូនការិយាល័យនគរបាល ព្រហ្មទណ្ឌកំរិតធ្ងន់នៃ ស្នងការដ្ឋាននគរបាលខេត្តបាត់ដំបងដើម្បីចាត់ការតាមនីតិវិធីច្បាប់៕
