ឯកឧត្ដម ប៉ែន លីណាត អញ្ជើញបើការប្រឡង បាតដៃមាសចៀរជ័រកៅស៊ូ របស់ក្រុមហ៊ុន VKETI នៅស្រុកស្នួល
ភ្នំពេញ៖ ឯកឧត្ដម ប៉ែន លីណាត អភិបាលខេត្តស្ដីទី នាព្រឹកថ្ងៃទី១៦ ខែសីហា ឆ្នាំ២០២២ បានអញ្ជើញបើការប្រឡង បាតដៃមាសចៀរជ័រកៅស៊ូ របស់ក្រុមហ៊ុន VKETI ស្ថិតនៅកសិដ្ឋាន១នៃក្រុមហ៊ុន VKETI ក្នុងឃុំគ្រញូងសែនជ័យ ស្រុកស្នួល ខេត្តក្រចេះ ។
ឯកឧត្ដម ប៉ែន លីណាត បានសម្ដែងនូវការកោតសរសើរ និងវាយតម្លៃខ្ពស់ចំពោះលទ្ធផល សម្រេចបានតាមផែនការមេរបស់ ក្រុមហ៊ុនលើការវិនិយោគដំណាំកៅស៊ូ ក្នុងការចូលរួមចំណែកដល់ការអភិវឌ្ឍខេត្ត ពិសេសការបង្កើតការងារជូនប្រជាពលរដ្ឋទាំងក្នុងតំបន់ និងក្រៅតំបន់លើកកម្ពស់ជីវភាពរស់នៅរបស់ប្រជាពលរដ្ឋកាន់តែមានភាពល្អប្រសើរ។
ទន្ទឹមនេះ ឯកឧត្ដមបានលើកទឹកចិត្ត ជំរុញដល់បុគ្គលិក កម្មករចៀរជ័រកៅស៊ូទាំងអស់ត្រូវសហការ និងបង្កលក្ខណៈជាមួយក្រុមហ៊ុនក្នុងការអនុវត្ត និងអភិវឌ្ឍន៍ ព្រមទាំងការថែទាំសុខភាព ការចាក់វ៉ាក់សាំងកូវីដ-១៩ ដូសមូលដ្ឋាន និងដូសជម្រុញអោយបានគ្រប់ៗគ្នា ៕
