ឧត្តមសេនីយ៍ទោ សោម ស៊ុន បន្តចុះត្រួតពិនិត្យសកម្មភាព អនុវត្តតួនាទីភារកិច្ចរបស់ កងយោធពលខេមរភូមិន្ទ នៅផ្នែកសឹករងបារាយណ៍ និងផ្នែកសឹករងសន្ទុក នៃបញ្ជាការដ្ឋានតំបន់ប្រតិបត្តិការសឹករងកំពង់ធំ
ភ្នំពេញ៖ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ នៅព្រឹកថ្ងៃទី១៣ ខែសីហា ឆ្នាំ២០២២ បានបន្តអញ្ជើញដឹកនាំសហការី ចុះត្រួតពិនិត្យសកម្មភាពទូទៅក្នុងតួនាទីភារកិច្ចរបស់កងយោធពលខេមរភូមិន្ទ នៅផ្នែកសឹករងបារាយណ៍ និងផ្នែកសឹករងសន្ទុក នៃបញ្ជាការដ្ឋានតំបន់ប្រតិបត្តិការសឹករងកំពង់ធំ ដែលមានទីតាំង ស្ថិតនៅភូមិបារាយណ៍ធំ ឃុំបារាយណ៍ ស្រុកបារាយណ៍ និងនៅភូមិប្រាសាទ ឃុំប្រាសាទ ស្រុកសន្ទុក ខេត្តកំពង់ធំ ។
ឧត្តមសេនីយ៍ទោ សោម ស៊ុន និងសហការរីបានបន្តដំណើរ ពិនិត្យនៅអង្គភាពផ្នែកសឹករងសន្ទុក និងបានឱ្យលោកវរសេនីយ៍ត្រី ប៊ន វណ្ណនី មេបញ្ជាការផ្នែកសឹករងសន្ទុករាយការណ៍ ជូនប្រតិភូអំពីការអនុវត្តន៍សកម្ម ភាពការងារទូទៅ ក្នុងតួនាទីភារកិច្ចរបស់កងយោធពលខេមរភូមិន្ទ ដែលបានប្រគល់ជូន។ បន្ទាប់ពីបានស្តាប់របាយ ការណ៍ និងបានចុះធ្វើការត្រួតពិនិត្យលទ្ឋផលជាក់ស្តែង តាមទីកន្លែងនីមួយៗ ដែលផ្នែកសឹករងសឹករងទាំងពីរ អនុវត្ត បានរួចមក ។
មេបញ្ជាការតំបន់ប្រតិបត្តិការសឹករងកំពង់ធំ បានវាយតម្លៃចំណុចខ្លាំង ចំណុចខ្សោយនៅតាម អង្គភាពនីមួយៗដាច់ដោយឡែកពីគ្នា ក្នុងការអនុវត្តន៍តួនាទីភារកិច្ចរបស់កងយោធពលខេមរភូមិន្ទ និងបានកោត សរសើរ ចំពោះការខិតខំប្រឹងប្រែងរបស់នាយទាហាន នាយទាហានរង ពលទាហានទាំងអស់ របស់ផ្នែកសឹករង បារាយណ៍ និងផ្នែកសឹករងសន្ទុក ដែលបានសាមគ្គីភាព ឯកភាពគ្នាល្អ ខិតខំបំពេញតួនាទីភារកិច្ច របស់កងយោធពល ខេមរភូមិន្ទសម្រេចបានជោគជ័យគួរជាទីមោទនៈ។
ឧត្តមសេនីយ៍ទោ សោម ស៊ុន បានប្រគល់ភារកិច្ចសំាន់ៗមួយចំនួន ដែលត្រូវអនុវត្តន៍ចំពោះមុខ និងយូអង្វែង ជូនថ្នាក់ដឹកនាំ និងយោធិនទាំងអស់នៅផ្នែកសឹករងទាំងពីរ ដាច់ដោយឡែកពីគ្នា ដោយត្រូវបន្តសកម្មភាពក្នុងការអនុ វត្តនូវខ្លឹមសារចលនាប្រឡងប្រណាំងទាំងប្រាំ របស់កងយោធពលខេមរភូមិន្ទ ដែលបានដាក់ចេញឱ្យបន្តទទួលបានលទ្ឋ ផលល្អថែមទៀត និងត្រូវអនុវត្តន៍ឲ្យបានត្រឹមត្រូវតាមច្បាប់លក្ខន្តិកៈ បទវិន័យទូទៅរបស់កងយោធពលខេមរភូមិន្ទ និង សេចក្ដីណែនាំលេខ ០០៣ សណន របស់ក្រសួងការពារជាតិ ដែលបានដាក់ចេញ និងបទបញ្ជាសេចក្ដីណែនាំនានាតាមឋានានុក្រមរបស់កងយោធពលខេមរភូមិន្ទឲ្យមានប្រសិទ្ធភាពខ្ពស់និងជោគជ័យ ៕
