ប្រធានមន្ទីរ៖ ខេត្តកំពង់ធំមានតំបន់ការពារធម្មជាតិ ៦កន្លែង ស្នាក់ការ១៨កន្លែង និងមន្រ្តីឧទ្យាននរៈ ៨៤រូប
ភ្នំពេញ៖ លោក តុប កក្កដា ប្រធានមន្ទីរបរិស្ថានខេត្តកំពង់ធំបានឲ្យដឹងថា ក្នុងខេត្តកំពង់ធំមានតំបន់ការពារធម្មជាតិចំនួន៦កន្លែង និងមានស្នាក់ការ១៨កន្លែង ហើយមន្រ្តីឧទ្យាននរៈ មានចំនួន ៨៤រូប។
នៅក្នុងសន្និសីទកាសែតស្តីពីយុទ្ធនាការអន្ទាក់សូន្យនៅខេត្តកំពង់ធំនៅថ្ងៃទី១១ ខែសីហា ឆ្នាំ២០២២នេះ លោក តុប កក្កដា បញ្ជាក់ថា តំបន់ការពារធម្មជាតិចំនួន៦កន្លែងនោះរួមមាន៖ ១-មានដែនជំរកសត្វព្រៃ ព្រៃឡង់ ភូមិសាសន៍ខេត្តកំពង់ធំ, ២-មានដែនជំរកសត្វព្រៃបឹងពេរភូមិសាសន៍ខេត្តកំពង់ធំ, ៣-មានតំបន់រាំផ្សារស្ទឹងសែន, ៤-មានតំបន់រាំផ្សារបឹងឆ្មារ, ៥-មានតំបន់ការពារទេសភាពខាងជើងបឹងទន្លេរសាប(តំបន់អភិរក្សសត្វខ្សឹប), ៦-មានតំបន់ទេសភាពសំបូរព្រៃគុប។
លោកបន្តថា នៅក្នុងតំបន់ការពារធម្មជាតិភូមិសាសន៍ខេត្តកំពង់ធំទាំង៦កន្លែងនេះយើងមានផ្ទៃដីចំនួន២៨០ពាន់ ៨៨៩ហិចតា។ ក្នុងនោះដែលអំពីរចនាសម្ពន្ធ័គ្រប់គ្រងតំបន់ការពារធម្មជាតិក្នុងភូមិសាសន៍ខេត្តកំពង់ធំនេះមន្រ្តីឧទ្យានរះ៨៤រូបដែលដសក់ប្រចាំការតំបន់ការពារនៅច្រកសំខាន់ៗទាំង៦កន្លែង។ ហើយយើងមានស្នាក់ការ១៨កន្លែងនៅក្នុងតំបន់ការពារទាំង៦កន្លែងនេះក្នុងនោះដែរយើងមានមន្រ្តីឧទ្យានរះទាំង៨៤នេះក៏មានមន្រ្តីនគរបាលយុត្តិធម៍២៤រូប។ហើយយើងមានភ្នាក់ងារនគរបាលយុត្តិធម៍៦០រូប។
លោកបន្ថែមថា ពាក់ពន្ធ័នឹងតួនាទីភារៈកិច្ចនៅក្នុងការគ្រប់គ្រងតំបន់ការពារធម្មជាតិនេះគឺយើងមាននាយក នាយករងយើងមានអនុប្រធានទទួលនឹងការដឹកនាំតំបន់ការពារធម្មជាតិទាំង៦កន្លែងនេះផងដែរ៕
