រដ្ឋមន្ត្រីក្រសួងបរិស្ថាន ដឹកនាំកិច្ចប្រជុំថ្នាក់ដឹកនាំក្រសួងស្តីពីគោលការណ៍ណែនាំ និងប្រព័ន្ធវិញ្ញាបនបត្រកម្មអគារបៃតងកម្ពុជា
ភ្នំពេញ៖ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន និងជាប្រធាន ក.ជ.អ.ច. នៅព្រឹកថ្ងៃទី៩ ខែសីហា ឆ្នាំ២០២២នេះ បានអញ្ជើញដឹកនាំកិច្ចប្រជុំថ្នាក់ដឹកនាំក្រសួងបរិស្ថានស្តីពីគោលការណ៍ណែនាំ និងប្រព័ន្ធវិញ្ញាបនបត្រកម្មអគារបៃតងកម្ពុជា (CamGCGB)។
កិច្ចប្រជុំខាងលើក៏មានការចូលរួមពីថ្នាក់ដឹកនាំ ជារដ្ឋលេខាធិការ អនុរដ្ឋលេខាធិការ អគ្គនាយក អគ្គនាយិការរង នៃអគ្គនាយកដ្ឋានចំណុះក្រសួងបរិស្ថាន និងខុន្ទកាល័យ សរុបមានចំនួន៣៣រូប។
កិច្ចប្រជុំនេះរៀបចំឡើងក្នុងគោលបំណងដើម្បីប្រមូលធាតុចូល ពិភាក្សាអំពីសំណើជម្រើសសម្រាប់ការដឹកនាំ និងបង្ហាញពីកាលានុវត្តភាពការងារអគារបៃតងសម្រាប់ជំហានបន្ទាប់៕
