នាយឧត្តមសេនីយ៍ ឥត សារ៉ាត់ អញ្ជើញចុះពិនិត្យការសាងសង់អគារប្រចាំការល្បាតរួម អង្គភាពមូលដ្ឋានសមុទ្រ កងទ័ពជើងទឹក
ភ្នំពេញ៖ នាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះ នៃកងយោធពលខេមរភូមិន្ទ នៅព្រឹកថ្ងៃទី៣ ខែសីហា ឆ្នាំ២០២២ បានអញ្ជើញពិនិត្យមើលការសាងសង់ អគារប្រចាំការល្បាតរួមអង្គភាពមូលដ្ឋានសមុទ្រ កងទ័ពជើងទឹក។
អញ្ជើញអមដំណើររួមមានឯកឧត្តម ម៉ាង សុីណេត អភិបាលរងនៃគណៈអភិបាលខេត្តព្រះសីហនុ ឧត្តមនាវីឯក វណ្ណ ប៊ុនលៀង មេបញ្ជាការរង នាយសេនាធិការកងទ័ពជើងទឹក ឧត្តមនាវីឯក អ៊ុក សីហា មេបញ្ជាការរងកងទ័ពជើងទឹក មេបញ្ជាការមូលដ្ឋានសមុទ្រ និងនាយទាហានជាន់ខ្ពស់ជាច្រើនរូបទៀត។
សូមរំលឹកថាអគារខាងលើនេះ ចាប់ផ្តើមសាងសង់នៅថ្ងៃទី១១ ខែមករា ឆ្នាំ២០២២ គ្រោងនឹងបញ្ចប់នៅថ្ងៃទី១៥ ខែកញ្ញា ឆ្នាំ២០២២មានទំហំសរុបចំនួន ៨៩១.៩៥ម៉ែត្រការ៉េ ជាអំណោយមិត្តភាពរបស់កងទ័ពជើងទឹកប្រជាជនវៀតណាម ហើយអគារនេះបានផ្តល់នូវផលប្រយោជន៍រួមដល់អង្គភាពមូលដ្ឋានសមុទ្រ កងទ័ពជើងទឹ នៃកងយោធពលខេមរភូមិន្ទតាមតម្រូវការ ជាពិសេសសម្រាប់ប្រជុំប្តូរវេនផ្លាស់ប្តូរយោបល់គ្នាទៅវិញទៅមកស្តីពីការងារល្បាតរូមរវាងកងទ័ពជើងទឹកប្រទេសទាំងពីរកម្ពុជា-វៀតណាម។
បច្ចុប្បន្នអគារប្រចាំកាល្បាតរួមកំពុងសាងសងសម្រេចបាន៩០%ហើយគ្រោងបញ្ចប់នាពេលឆាប់ៗខាងមុខនេះ៕
