ឯកឧត្តម ម៉ា នរិទ្ធ ជួបពិភាក្សាការងារជាមួយ ប្រធានការិយាល័យ ទទួលបន្ទុកកិច្ចការតំបន់អាស៊ី នៃមជ្ឈមណ្ឌលអភិវឌ្ឍន៍អង្គការ OECD ទីក្រុងប៉ារីស

ភ្នំពេញ៖ ឯកឧត្តម ម៉ា នរិទ្ធ អគ្គលេខាធិការរង គណៈកម្មាធិការជាតិគ្រប់គ្រងគ្រោះមហន្តរាយ និង សហការី នាព្រឹកថ្ងៃទី១១ ខែកក្កដា ឆ្នាំ២០២២ បានទទួលជួបពិភាក្សាការងារជាមួយលោក លោក កេន ស៊ុកេ (Kensuke Molnar-Tanaka) ប្រធានការិយាល័យ ទទួលបន្ទុកកិច្ចការតំបន់អាស៊ី នៃមជ្ឈមណ្ឌលអភិវឌ្ឍន៍អង្គការ OECD ទីក្រុងប៉ារីស។

ជំនួបនេះធ្វើឡើងក្នុងគោលបំណងបង្ហាញការ រៀបចំរបាយការណ៍ស្តីពីទស្សនិស័យសេដ្ឋកិច្ច និងវិស័យពាក់ព័ន្ធរួមទាំងការងារគ្រប់គ្រងគ្រោះមហន្តរាយនៅអាស៊ីអាគ្នេយ៍។

ក្នុងឱកាសនេះ ឯកឧត្តម ម៉ា នរិទ្ធ បានចែករំលែកខ្លឹមសារសំខាន់ៗមួយចំនួនពាក់ព័ន្ធនឹងការងារគ្រប់គ្រងគ្រោះមហន្តរាយថ្នាក់ជាតិនិងថ្នាក់តំបន់ផងដែរ។

លោក កេន ស៊ុកេ បានប្តេជ្ញាជួយគាំទ្រ ដល់ការកសាងសមត្ថភាព និងអញ្ជើញមន្ត្រី គ.ជ.គ.ម. ចូលរួមកិច្ចប្រជុំអ្នកជំនាញការប្រចាំតំបន់អាស៊ី ស្តីពីគោលនយោបាយសេដ្ឋកិច្ច និងការអភិវឌ្ឍន៍ និងគ្រោះមហន្តរាយ (AM-DEC) ដែលគ្រោងនឹងរៀបចំនៅប្រទេសសឹង្ហបុរី នៅខែធ្នូ ឆ្នាំ២០២២ ខាមុខ ដើម្បីចែរំលែកបទពិសោធន៍ការងារគ្រប់គ្រងគ្រោះមហន្តរាយនៅប្រទេសកម្ពុជា៕