នាងពួន គឺជាកំណកធម្មជាតិ ដែលបង្កើតឡើងដោយវត្ថុដែលមិនអាចរំលាយបាន
ភ្នំពេញ៖ នាងពួន ត្រូវបានគេហៅទៅតាមលក្ខណៈនៃការកកើតរបស់វា ព្រោះវាច្រើនកើតក្នុងទីកំបាំងដែលពុំងាយរកបាន។ នាងពួនមានច្រើនប្រភេទណាស់ និងភាគច្រើនមានសណ្ឋានជាគជ់ ខ្លះសណ្ឋានជាថ្ម។
នាងពួនទាំងនេះគឺជាកំណកធម្មជាតិដែលបង្កើតឡើងដោយវត្ថុដែលមិនអាចរំលាយបានដែលជាប់នៅក្នុងក្រពះពោះវៀនរបស់សត្វជាច្រើន រួមទាំងមនុស្សផងដែរ។
យោងតាមអដ្ឋកថានៅក្នុងព្រះពុទ្ធសាសនា នាងពួន ត្រូវបានចាត់ទុកជាប្រភេទកែវមុក្តា! កែវមុក្តាគឺជារតនៈមួយក្នុងរតនៈទាំង ១០ ប្រភេទដូចជា កែវមណី កែវពិទូរ្យ ស័ង្ខ សិលា កែវប្រពាឡ ប្រាក់ មាស កែវក្រហម (ត្បូងទទឹម) និងកែវមរកត ជាដើម។
ទោះជាយ៉ាងណាដូចគេបានពិសោធន៍រួចហើយថា នាងពួនគ្មានអនុភាព ឬប្រសិទ្ធភាពអ្វីទៅបន្សាបជាតិពុល និងស្រាបាននោះទេ ដូចច្នេះហើយសូមកុំចាញ់បោកជនខិលខូចបន្តទៅទៀតអី៕
ប្រភព៖ ជីវៈចម្រុះនៃប្រទេសកម្ពុជា
