ប្រទេស ចិន បង្ហាញ ផែនការ សកម្មភាព ដើម្បី ធ្វើ ឱ្យ ឧស្សាហកម្ម ទំនិញ ប្រើប្រាស់ ជា លក្ខណៈ ឌីជីថល

ប៉េកាំង៖ អាជ្ញាធរចិនបានចេញផ្សាយផែនការសកម្មភាពមួយ ដើម្បីជួយសម្រួលដល់ ការធ្វើឌីជីថលនីយកម្ម នៃឧស្សាហកម្មទំនិញប្រើប្រាស់ ខណៈដែលប្រទេសនេះកំពុងឈានទៅ រកការជំរុញ សមាហរណកម្ម នៃសេដ្ឋកិច្ចឌីជីថល និងពិតប្រាកដ ព្រមទាំងបង្កើត និងបំពេញតម្រូវការអ្នកប្រើប្រាស់។

ប្រទេសចិនមានបំណងសម្រេចបាននូវភាពប្រសើរឡើងគួរឱ្យកត់សម្គាល់ក្នុងការធ្វើសមាហរណកម្ម និងការអនុវត្តបច្ចេកវិទ្យាឌីជីថលនៅក្នុងឧស្សាហកម្មទំនិញប្រើប្រាស់នៅឆ្នាំ ២០២៥ នេះបើយោង តាមផែនការដែលបានចេញផ្សាយរួមគ្នាដោយនាយកដ្ឋានរដ្ឋាភិបាលចំនួនប្រាំ រួមទាំងក្រសួងឧស្សាហកម្ម និងបច្ចេកវិទ្យាព័ត៌មានផងដែរ។

ក្រសួងបានបញ្ជាក់អោយដឹងថា ការធ្វើសមាហរណកម្ម និងការអនុវត្តបច្ចេកវិទ្យា ឌីជីថល បន្ថែម ទៀតនឹងជួយកែលម្អការផ្គត់ផ្គង់ទំនិញប្រើប្រាស់ ពង្រីកខ្សែសង្វាក់ឧស្សាហកម្ម បង្កើន តម្លៃបន្ថែម របស់ឧស្សាហកម្ម និងលើកទឹកចិត្តសហគ្រាសឱ្យពង្រឹង ការច្នៃប្រឌិតឌីជីថល ក្នុងការស្រាវជ្រាវ និងអភិវឌ្ឍន៍ និងក្នុងការប្រកួតប្រជែងស្នូលរបស់ពួកគេ។

សមាមាត្រនៃក្រុមហ៊ុនទំនិញប្រើប្រាស់ដែលបានធ្វើឱ្យការគ្រប់គ្រង និងប្រតិបត្តិការរបស់ ពួកគេមាន លក្ខណៈឌីជីថល ត្រូវបានបំពាក់ដោយឧបករណ៍ឌីជីថល សម្រាប់ការស្រាវជ្រាវ ការអភិវឌ្ឍន៍ និងការរចនា និងណែនាំពាណិជ្ជកម្មអេឡិចត្រូនិកដល់អាជីវកម្មរបស់ពួកគេទាំងអស់គួរតែលើសពី ៨0 ភាគរយនៅឆ្នាំ ២០២៥ នេះបើយោងតាមផែនការ។

ប្រទេសចិនក៏មានគោលបំណងជំរុញរោងចក្របង្ហាញចំនួន២00 សម្រាប់ការផលិតឆ្លាតវៃក្នុងវិស័យដូចជា វាយនភណ្ឌ និងសម្លៀកបំពាក់ គ្រឿងប្រើប្រាស់ក្នុងផ្ទះ គ្រឿងអេឡិចត្រូនិក អាហារ និងថ្នាំពេទ្យ ក្នុងអំឡុងពេលផែនការ។

ផែនការនេះបានបញ្ជាក់នូវកិច្ចការចំនួន ១0 ដើម្បីបង្កើនប្រភេទផលិតផល និងគុណភាព ព្រមទាំង បង្កើតម៉ាកយីហោ ដូចជាការអភិវឌ្ឍន៍ “ផលិតផលតាមអ៊ីនធឺណិត បូកនឹងអ្នកប្រើប្រាស់” ដែលធ្វើអោយ ប្រសើរឡើងនូវសុខុមាលភាពរបស់មនុស្ស ការលើកកម្ពស់ការផលិតផ្ទាល់ខ្លួន និងអាចបត់បែនបាន ដើម្បីរៀបចំទម្រង់នៃការអភិវឌ្ឍន៍ផលិតផល និងរបៀបផលិតកម្មឡើងវិញ និងការពន្លឿនការបង្កើត នៃប្រព័ន្ធតាមដានគុណភាព។