សិង្ហបុរី៖ បើយោងតាមការចេញផ្សាយដោយារព័ត៌មាន CNA នៅថ្ងៃអង្គារ ទី២៥ ខែវិច្ឆិកា ឆ្នាំ២០២៥ សិង្ហបុរី បានប្រកាសពីគម្រោងបើក ស្ថានទូត ក្នុងរដ្ឋធានី Addis Ababa ប្រទេសអេត្យូពី ដែល ជាស្ថានទូតទី ១ នៅ អាហ្វ្រិក ខាង កើត និង ទី ៣ នៅ តំបន់ អាហ្រ្វិក រួម ជាមួយ អេហ្ស៉ីប និង អាហ្វ្រិក ខាង ត្បូង។
ការប្រកាសនេះធ្វើឡើងនៅក្នុងជំនួបរវាងនាយករដ្ឋមន្រ្តីសិង្ហបុរី លោក Lawrence Wong និងនាយករដ្ឋមន្រ្តីអេត្យូពី លោក Abiy Ahmed Ali កាលពីថ្ងៃចន្ទ។
លោក Wong បានឱ្យដឹងថា ការបង្កើតស្ថានទូត នឹងក្លាយជាទង្វើជាក់ស្តែងនៃការប្តេជ្ញាចិត្តរបស់សិង្ហបុរី ចំពោះភាពជាដៃគូជាមួយអេត្យូពី ក៏ដូចជាភាពជឿជាក់លើសារៈសំខាន់ និងសក្តានុពលយុទ្ធសាស្ត្ររបស់ប្រទេសនេះ។
តាមលោក Wong កិច្ចសហប្រតិបត្តិការស៉ីជម្រៅ ដោយផ្តោតលើឥណទានកាបូន នឹងជួយដល់សិង្ហបុរី និងអេត្យូពី សម្រេចបានគោលដៅផ្នែកអាកាសធាតុរៀងៗខ្លួន។
ប្រទេសទាំងពីរ ព្រមព្រៀងស្វែងរកកិច្ចសហប្រតិបត្តិការ នៅក្នុងទីផ្សារកាបូន រួមទាំងការផ្លាស់ប្តូររបៀបអនុវត្ត ចំណេះដឹងស្តីពីយន្តការទីផ្សារ ក៏ដូចជាកិច្ចសហការនាពេលអនាគត លើគំនិតផ្តួចផ្តើមគាំទ្រដល់ការអភិវឌ្ឍទីផ្សារកាបូន៕
