តម្លៃប្រេងបានកើនឡើងប្រហែល ១ដុល្លារ ដោយសារតែផលប៉ះពាល់នៃទណ្ឌកម្មអាមេរិកលើក្រុមហ៊ុនប្រេងរុស្ស៉ី
ញូវយ៉ក៖ បើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃពុធ ទី១២ ខែវិច្ឆិកា ឆ្នាំ២០២៥ តម្លៃប្រេង បានកើនឡើងប្រហែល ១ដុល្លារ កាលពីថ្ងៃអង្គារសប្តាហ៍នេះ ដោយសារតែផលប៉ះពាល់នៃទណ្ឌកម្មអាមេរិកលើក្រុមហ៊ុនប្រេងរុស្ស៉ី តែក៏មានសុទិដ្ឋិយមលេចឡើង ជុំវិញលទ្ធភាពដែលថារដ្ឋាភិបាលអាមេរិកអាចនឹងបើកឡើងវិញ ទោះបីជាមានក្តីបារម្ភអំពីការផ្គត់ផ្គង់លើសកម្រិតក៏ដោយ។
ប្រេងឆៅ Brent ដែលទូទាត់រួច មានតម្លៃ ៦៥.១៦ដុល្លារក្នុងមួយបារ៉ែល ដែលបានឡើងថ្លៃ ១.១០ដុល្លារ ឬ ១.៧២ភាគរយ។ រីឯប្រេងឆៅរបស់អាមេរិក West Texas Intermediate បានឡើងថ្លៃ ៩១សេន ឬ ១.៥១ភាគរយ គឺ ៦១.០៤ដុល្លារក្នុងមួយបារ៉ែល។
ក្រុមវិនិយោគិន បន្ត វាយ តម្លៃទៅ លើលទ្ធផល ចេញពីទណ្ឌកម្ម អាមេរិក ចំពោះក្រុមហ៊ុនប្រេង រុស្ស៉ី និង ឥទ្ធិពល របស់ វា ទាំង លើ ទីផ្សារ ប្រេងឆៅ និង ប្រេងឥន្ធនៈ។ ប្រភពមួយបានប្រាប់ Reuters ថាក្រុមហ៊ុន Lukoil បានដាក់កំហិតរោងចក្រផលិតប្រេងនៅអ៉ីរ៉ាក់ ដែលនេះជាផលប៉ះពាល់ធំមួយដោយទណ្ឌកម្ម។ តាមអ្នកវិភាគនៅក្រុមហ៊ុន PVM លោក Tamas Varga ការដាក់កំហិតលើនាំចេញកំពុងធ្វើឱ្យប្រេងឥន្ធនៈឡើងថ្លៃ៕
