ចាប់ខ្លួនមន្រ្តីនគរបាលនៅខេត្តបន្ទាយមានជ័យ៦នាក់ ពាក់ព័ន្ធបទល្មើសនាំមនុស្សឆ្លងដែនខុសច្បាប់
បន្ទាយមានជ័យ៖ នៅយប់ថ្ងៃទី៨ ខែតុលា ឆ្នាំ ២០២៥ កម្លាំងកងពលលេខ៥១ បានសហការជាមួយកងរាជអាវុធហត្ថខេត្ត បន្ទាយមានជ័យ ក្រោមការដឹកនាំបញ្ជាផ្ទាល់លោកឧត្ដមសេនីយ៍ទោ សេង ធារិន មេបញ្ជាការរងនិង ជា នាយសេនាធិការយោធភូមិភាគ៥ បានឃាត់ខ្លួនមន្ត្រីនគរបាលខេត្តបន្ទាយមានជ័យ ចំនួន ៦នាក់ ពាក់ព័ន្ធបទល្មើសនាំមនុស្ស ឆ្លង ដែនខុសច្បាប់ នៅចំណុចប៉ុស្តិ៍ការពារ ព្រំដែនគោកអូរល្ហុង។
មន្រ្តីនគរបាលទាំង៦រូបដែលឃាត់ខ្លួន រួមមាន៖
ទី១៖ លោក វរសេនីយ៍ ត្រី សុខ សំអុល ហៅតុង តួនាទីមេបញ្ជាការរង វរសេនាតូចការពារព្រំដែន៨៩១ ស្នងការដ្ឋាន នគរបាល ខេត្ត បន្ទាយមានជ័យ។ ទី២៖ លោកវរសេនីយ៍ត្រី ព្រឹម ដែន ភេទតួនាទី មេបញ្ជាការរង វរសេនាតូចការពារព្រំដែន៨៩១ ស្នងការដ្ឋាននគរបាលខេត្តបន្ទាយមានជ័យ។ ទី៣៖ លោកវរសេនីយ៍ត្រី ព្រំ ផូរ ហៅ ងិក តួនាទីមេប៉ូស្តិ៍នគរបាលការពារ ព្រំដែន គោក អូរល្ហុង វរសេនាតូច ៨៩១។ ទី៤៖ លោក ពលបាលត្រី ព្រឹម ឌុន តួនាទី មន្ត្រី វរសេនាតូច ៨៩១។ ទី៥៖ លោក ពលបាលត្រី កាក់ សេងទ្រី តួនាទី មន្ត្រី វរសេនាតូច ៨៩១ ។ ទី៦៖ លោក អនុសេនីយ៍ ទោ ភុំ ចំរើន តួនាទី មន្ត្រី វរសេនាតូច ៨៩១។ ៧៖ ឈ្មោះ ងុិក មិថុនា តួនាទី ចុងភៅ (មិនពាក់ព័ន្ធ)។
បន្ទាប់ពីឃាត់ខ្លួនរួចមន្ត្រីនគរបាល ទាំង៦រូបនេះ ត្រូវបានប្រគល់ជូនទៅសមត្ថកិច្ចកងរាជអាវុធហត្ថខេត្តបន្ទាយមានជ័យ ដេីម្បីចាត់ការបន្ត។ មន្ត្រីដែលពាក់ព័ន្ធបទល្មើសមានចំនួន ៦នាក់ ដោយឡែកចុងភៅគ្មានការពាក់ព័ន្ធ ទេ មន្ត្រីជំនាញកងរាជអាវុធហត្ថខេត្តបន្ទាយមានជ័យកំពុងកសាងសំណុំរឿង ដេីម្បីបញ្ជូនទៅតុលាការចាត់ការតាមច្បាប់៕
