កុយ អេនណា ក្នុងដំណើរថ្មើរជើងលើកដំបូងទៅកាន់ខេត្តសៀមរាប ក្រោមប្រធានបទ “ដើរដោយក្តីសង្ឃឹម ដើរដើម្បីទេសចរណ៍” បានបញ្ចប់ដោយជោគជ័យ
ភ្នំពេញ៖ បេសកកម្មចាប់ផ្តើម និងបញ្ចប់ដោយជោគជ័យ របស់ កុយ អេនណា ក្នុងដំណើរថ្មើរជើងលើកដំបូងទៅកាន់ខេត្តសៀមរាប ក្រោមប្រធានបទ “ដើរដោយក្តីសង្ឃឹម ដើរដើម្បីទេសចរណ៍”។
ក្នុងគោលដៅ ផ្សារភ្ជាប់ក្តីសង្ឃឹមដើម្បីកុមារ ឬជនពិការនៅកម្ពុជា និងដើម្បីចូលរួមផ្សព្វផ្សាយសក្ដានុពលទេសចរណ៍កម្ពុជា ដ៏សម្បូរបែប សុវត្ថិភាព ក្រោមម្លប់សន្តិភាព ទៅកាន់ពិភពលោក កញ្ញា កុយ អេនណាបានសម្រេចគោលដៅរបស់នាងហើយ ដោយបានធ្វើដំណើរដោយថ្មើរជើងទៅដល់ខេត្តសៀមរាប ទឹកដីអង្គរនៅវេលាម៉ោង៩យប់ថ្ងៃទី២១ ខែកញ្ញា ឆ្នាំ២០២៥ និងបញ្ចប់ការដើរនៅមុខប្រាសាទអង្គរវត្ត នៅព្រឹកថ្ងៃទី២២ បន្ទាប់ពីចំណាយពេលវេលាសរុប១៩ថ្ងៃ។
ឯកឧត្តម ហួត ហាក់ ក្នុងនាមក្រសួងទេសចរណ៍ សូមចូលរួមកោតសរសើរ និងវាយតម្លៃខ្ពស់ចំពោះការតាំងចិត្តប្រកបដោយឆន្ទ:មោះមុតរបស់កញ្ញា កុយ អេនណា ដើម្បីលើកកម្ពស់ក្តីសង្ឃឹមរបស់កុមារ និងជនពិការនៅកម្ពុជា ជាពិសេសគឺការចូលរួមផ្សព្វផ្សាយសក្ដានុពលទេសចរណ៍កម្ពុជាដ៏សម្បូណ៌បែប និងគោលដៅសុវត្ថិភាព ក្រោមម្លប់សន្តិភាពទៅកាន់ពិភពលោក៕
