គីនស្ហាសា៖ បើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃសុក្រ ទី៣ ខែកញ្ញា ឆ្នាំ២០២៥ សាធារណៈរដ្ឋប្រជាធិបតេយ្យកុងហ្គោ បានប្រកាសពីការផ្ទុះឡើងនូវជំងឺ Ebola សារជាថ្មី កាលពីថ្ងៃព្រហស្បតិ៍សប្តាហ៍នេះ ដែលបណ្តាលឱ្យមានមនុស្សឆ្លង ២៨នាក់ និងស្លាប់ ១៥នាក់។
ក្រសួងសុខាភិបាលនៃប្រទេសកុងហ្គោ បានឱ្យដឹងថា សំណាក ដែល ធ្វើ តេស្ត កាលពី ថ្ងៃ ពុធ គឺមាន មេរោគ ហ្ស៉ីកា ។ សញ្ញាដំបូងនៃការផ្ទុះកើតឡើងលើស្ត្រីមានផ្ទៃពោះ អាយុ ៣៤ឆ្នាំម្នាក់ ដែលត្រូវបានបញ្ជូនមកមន្ទីរពេទ្យក្នុងខេត្ត Kasai កាលពីថ្ងៃទី២០ ខែសីហាកន្លងទៅ ដោយមានរោគសញ្ញាគ្រុនក្តៅខ្លាំង និងក្អួត។
តាមអង្គការសុខភាពពិភពលោក WHO ចំនួនអ្នកឆ្លងទំនងជាកើនឡើង ដោយសារតែការរាលដាលកំពុងបន្ត។ កុងហ្គោ មានស្តុកថ្នាំ និងវ៉ាក់សាំង Ervebo ចំនួន ២ ០០០ដូស ដែលនឹងត្រូវដឹកជញ្ជូនទៅកាន់ខេត្ត Kasai ដើម្បីចាក់វ៉ាក់សាំងឱ្យអ្នកមានទំនាក់ទំនងនឹងជំងឺនេះ ក៏ដូចជាបុគ្គលិកសុខាភិបាលជួរមុខ។
គួរបញ្ជាក់ថា Ebola គឺជាជំងឺដ៏កម្រមួយ ប៉ុន្តែជារឿយៗធ្វើឱ្យមនុស្សស្លាប់។ មេរោគនៃជំងឺនេះឆ្លងចូលទៅក្នុងឈាម និងសារធាតុរាវផ្សេងទៀតនៅក្នុងរាង្គកាយ។ កុងហ្គោ បានកត់ត្រាពីការផ្ទុះឡើងនូវជំងឺនេះជាច្រើនលើក ដោយករណីចុងក្រោយផ្ទុះឡើងក្នុងឆ្នាំ ២០២២ នៅខេត្ត Equateur។ ពីឆ្នាំ ២០១៨ ដល់ឆ្នាំ ២០២០ Ebola បានឆក់យកជីវិតមនុស្សជិត ២ ៣០០នាក់ នៅកុងហ្គោ៕
