អគ្គនាយកស៊ីម៉ាក់៖ បញ្ហាគ្រាប់មីន សៀមខិតខំបង្ហាញថា ខ្លួនជាជនរងគ្រោះព្រោះខែ្មរប្រេីគ្រាប់មីនPMN-2ថ្មី ក្នុងទឹកដីថៃ ! យកទៅដាក់ក្នុងទឹកដីសៀមរបៀបម៉េច? បេីទឹកដីស្ថិតនៅទល់មុខគ្នានោះ ជាដីមានជម្លោះ!

ភ្នំពេញ៖ ឯកឧត្ដម ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកមជ្ឈមណ្ឌលសកម្មភាពមីនកម្ពុជា (CMAC-ស៉ីម៉ាក់) នៅថ្ងៃទី២០ ខែសីហា ឆ្នាំ២០២៥នេះ បានលើកឡើងថា បញ្ហាគ្រាប់មីន សៀមខិតខំបង្ហាញថា ខ្លួនជាជនរងគ្រោះព្រោះខែ្មរប្រេីគ្រាប់មីនPMN-2ថ្មី ក្នុងទឹកដីថៃ ! យកទៅដាក់ក្នុងទឹកដីសៀមរបៀបម៉េច? បេីទឹកដីស្ថិតនៅទល់មុខគ្នានោះ ជាដីមានជម្លោះ។

តាមរយៈបណ្ដាញសង្គមផ្លូវការ ឯកឧត្ដម ហេង រតនា បានលើកឡើងយ៉ាងដូច្នេះថា “ ការកែឆ្នៃក្រឡៃសត្វដំរីមកជាសត្វស្រមោចនិងរីឯសត្វស្រមោចឱ្យក្លាយជាសត្វដំរី!

– សំណល់គ្រាប់បែកទម្លាក់ពីយន្តហោះF-16 ប្រភេទMK-84 ទម្ងន់ជិតមួយតោន ខិតខំប្រែក្លាយខ្លួនជាជនរងគ្រោះថា កម្ពុជាខូចរកសុីលាបពណ៌ ថៃ ដោយយកគ្រាប់បែកMK-84 សំណល់សង្គ្រាមឆ្នាំ១៩៧០-១៩៧៣ មកដាក់តាំងបង្ហាញ ប៉ុន្តែជាក់ស្តែងគ្រាប់បែកMK-84 ស្ថិតនៅភូមិថ្មដូន ឃុំគោកមននេះ ផលិតឆ្នាំ១៩៩៦ ហេីយគ្រាប់បែកMK-82ទម្លាក់នៅវត្តតាមន្តសែនជ័យផលិតនៅឆ្នាំ២០២៣! តេីគ្រាប់បែកផលិតនៅឆ្នាំ១៩៩៦និង២០២៣ អាចជាសំណល់សង្គ្រាមឆ្នាំពី១៩៧០-១៩៧៣កេីតដែរឬ? ទីតាំងគ្រាប់បែកទម្លាក់នេះនៅសល់៥គ្រាប់ទៀ តនៅកប់ដីនៅឡេីយ ហេីយមនុស្សម្នាលេីលោកអាចមកឃេីញគ្រាប់បែកទាំងនេះបាន និងអាចចុះមកពិនិត្យបាននៅពេលមន្ត្រីជំនាញCMACដោះបន្សាបនាពេលខាងមុខ។

– ប្រាសាទព្រះវិហារត្រូវរងគ្រោះដោយសារគ្រាប់ផ្លោង១៥៥មម គ្រាប់បែកចង្កោម និងគ្រាប់ជាច្រេីនប្រភេទ ហេីយនៅពេលឃេីញរណ្តៅគ្រាប់និងការបែកបាក់ប្រាសាទទាំងនោះ ពួកសៀមបែរជាចោទខ្មែរ ថា រណ្តៅគ្រាប់ទាំងនោះ ខែ្មររៀបចំជីករណ្តៅបង្ហាញ ដេីម្បីលាបពណ៌បង្ខូចឈ្មោះថៃ ហេីយថៃជាជនរងគ្រោះទៅវិញ!!

– បញ្ហាគ្រាប់មីន សៀមខិតខំបង្ហាញថា ខ្លួនជាជនរងគ្រោះព្រោះខែ្មរប្រេីគ្រាប់មីនPMN-2ថ្មី ក្នុងទឹកដីថៃ ! ។ យកទៅដាក់ក្នុងទឹកដីសៀមរបៀបម៉េច? បេីទឹកដីស្ថិតនៅទល់មុខគ្នានោះ ជាដីមានជម្លោះ! ។

មនុស្សក្នុងពិភពលោកក្នុងយុគសម័យបដិវត្តន៍បច្ចេកវិទ្យាAIនេះ ពិតជាមិនខ្វះប្រាជ្ញាពិចារណាលេីបញ្ហានេះទាំងនេះ ដូចជាគ្រាប់បែក MK-82 MK-84 និងគ្រាប់បែកចង្កោម មានប្រភពច្បាស់លាស់ណាស់ទាំងអ្នកផលិត អ្នកលក់ដូរ អ្នកដឹកជញ្ជូន និងអ្នកប្រេីប្រាស់”៕