ការស្ទង់មតិរបស់ CGTN៖ប្រទេសចិនពណ៌បៃតងរួមចំណែកយ៉ាងសំខាន់ចំពោះការអភិវឌ្ឍរបស់មនុស្សជាតិ

ក្នុងឱកាសខួបទី២០នៃការលើកឡើងគំនិត “ទឹកថ្លានិងភ្នំបៃតងគឺជាភ្នំមាសភ្នំប្រាក់”របស់លោក Xi Jinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្តចិន បណ្តាញទូរទស្សន៍ CGTN នៃអគ្គស្ថានីយវិទ្យុនិងទូរទស្សន៍មជ្ឈិមចិនបានធ្វើការស្ទង់មតិចំពោះអ្នកផ្តល់បទសម្ភាសន៍ចំនួន២ម៉ឺន៤ពាន់៥១៥នាក់ដែលមកពីប្រទេសចំនួន៤៨នៅទូទាំងពិភពលោកបានឱ្យដឹងថា អ្នកផ្តល់បទសម្ភាសន៍ទូទាំងពិភពលោកបានទទួលស្គាល់ជាទូទៅចំពោះគំនិតស្តីពី “ទឹកថ្លានិងភ្នំបៃតងគឺជាភ្នំមាសភ្នំប្រាក់”របស់ចិន ហើយវាយតម្លៃយ៉ាងសកម្មចំពោះសមិទ្ធផលនិងការរួមចំណែករបស់ចិនក្នុងអភិបាលកិច្ចអេកូឡូស៊ីនិងការធ្វើបរិវត្តកម្មបៃតង ៖
អ្នកផ្តល់បទសម្ភាសន៍ចំនួន៦៨,៨ភាគរយកោតសរសើរប្រទេសចិនដែលបានដាំដើមឈើដោយទ្រង់ទ្រាយធំដែលមានឥទ្ធិពលវិជ្ជមានចំពោះការស្តារទំហំគ្របដណ្តប់នៃព្រៃឈើ ។ អ្នកផ្តល់បទសម្ភាសន៍ចំនួន៦៦,៥ភាគរយបានទទួលស្គាល់សមិទ្ធផលរបស់ចិនក្នុងការបង្ការនិងគ្រប់គ្រងរហោឋានកម្មតាមរយៈការកសាងរបាំងព្រៃឈើសម្រាប់បង្ការខ្យល់និងទប់ខ្សាច់ ។ អ្នកផ្តល់បទសម្ភាសន៍ចំនួន៧០,៥ភាគរយបានកោតសរសើរចំពោះប្រទេសចិនដែលកសាងហេដ្ឋារចនាសម្ព័ន្ធថាមពលស្អាតដូចជាបង្កើនការផលិតថាមពលអគ្គិសនីដើរដោយថាមពលខ្យល់និងពន្លឺព្រះអាទិត្យជាដើម ។
ក្នុងសំណួរទាក់ទិននឹងតួនាទីរបស់ប្រទេសចិនចំពោះដំណើរការចូលរួមអភិបាលកិច្ចអាកាសធាតុនិងអេកូឡូស៊ីសកល អ្នកផ្តល់បទសម្ភាសន៍បានវាយតម្លៃយ៉ាងសកម្ម៖ អ្នកផ្តល់បទសម្ភាសន៍ចំនួន៧៩,៩ភាគរយបានសរសើរពីគំរូភាពរបស់ចិនចំពោះប្រទេសដទៃទៀតក្នុងវិស័យសន្សំសំចៃថាមពលនិងកាត់បន្ថយការបញ្ចេញកាបូន ហើយអ្នកផ្តល់បទសម្ភាសន៍ចំនួន៧៥,១ភាគរយយល់ឃើញថា ឧស្សាហកម្មថាមពលថ្មីរបស់ចិនបានផ្តល់ជាផលិតផលគុណភាពល្អដល់ពិភពលោកទាំងមូលនិងជំរុញការអភិវឌ្ឍបៃតង ៕