លោក លី សារី អភិបាលរងខេត្តសៀមរាប ចូលរួមកិច្ចប្រជុំពិភាក្សាការងារបច្ចេកទេស និងរបាយការណ៏ការពារបច្ចេកទេសគំនូសប្លង់លម្អិតជាមួយក្រុមហ៊ុនទីប្រឹក្សាបច្ចេកទេស

ភ្នំពេញ៖ នៅថ្ងៃទី២២ ខែកក្កដា ឆ្នាំ២០២៥ លោក លី សារី អភិបាលរងខេត្ត តំណាងដ៏ខ្ពង់ខ្ពស់ឯកឧត្ដម ប្រាក់ សោភ័ណ អភិបាល នៃគណៈអភិបាលខេត្តសៀមរាប បានចូលរួមកិច្ចប្រជុំពិភាក្សាការងារបច្ចេកទេស និងរបាយការណ៏ការពារបច្ចេកទេសគំនូសប្លង់លម្អិតជាមួយក្រុមហ៊ុនទីប្រឹក្សាបច្ចេកទេស SAMAN _YOOSHIN _KCIENG JV សម្រាប៉គម្រោង GREEN SIEM REAP SEWERANG and STORM DRAINGE PROJECT (EDCF KHM_29) ក្រោមអធិបតីភាព ឯកឧត្តម សូវិចទ័រ រដ្ឋលេខាធិការក្រសួងសាធារណការនិងដឹកជញ្ជូន នឹងជាអ្នកដឹកនាំគម្រោង ។

កិច្ចប្រជុំពិភាក្សាការងារបច្ចេកទេស និងរបាយការណ៏ការពារបច្ចេកទេសគំនូសប្លង់លម្អិតជាមួយក្រុមហ៊ុនទីប្រឹក្សាបច្ចេកទេសនេះដែរ ក្រុមការងារទទួលបានដូចខាងក្រោម៖

១-ក្រុមហ៊ុនសិក្សាគម្រោង និង ក្រសួងសាធារណការនិងដឹកជញ្ជូនត្រូវ រៀបចំឡើងវិញ នូវការកែសម្រួល ប្លង់បច្ចេកទេស និងសំណុំឯកសារ កិច្ចសន្យាព្រមព្រៀងជាមួយម្ចាស់លុយ ( កូរ៉េ )។

២-ត្រូវមានកិច្ចប្រជុំបន្ទាន់មួយ នៅរដ្ឋបាលខេត្តសៀមរាប លើប្លង់បច្ចេកទេសរវាងក្រុមហ៊ុនសិក្សាគម្រោង មន្ទីរ សាធារណការនិងដឹកជញ្ជូនខេត្ត មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត និង អាជ្ញាធរដែនដីពាក់ព័ន្ឋ ជាពិសេសគណះកម្មការសងផលប៉ះពាល់ក្រសួង សេដ្ឋកិច្ច និងហិរញ្ញវត្ថុ ដើម្បីរកដំណោះស្រាយ លើគំនូសប្លង់បច្ចេកទេស។

៣-រដ្ឋបាលខេត្តសៀមរាប ត្រូវរៀបចំកិច្ចសន្យា រវាងមន្ទីរសាធារណការ និងដឹកជញ្ជូនខេត្តសៀមរាប ជាមួយ សណ្ឋាគារ មេមរ( MEMOR) និង ប្រជាពលរដ្ឋពាក់ព័ន្ឋប្រើប្រាស់ ប្រព័ន្ឋប្រឡាយរំដោះទឹកកខ្វក់ក្នុងក្រុងសៀមរាប៕