គណៈកម្មាធិការសាខាកាកបាទក្រហមខេត្តបន្ទាយមានជ័យ ប្រារព្ធព្រះរាជពិធីបុណ្យចម្រើនព្រះជន្មសម្ដេចព្រះមហាក្សត្រ នរោត្តមមុនីនាថសីហនុ ព្រះវររាជមាតាជាតិខ្មែរ ព្រះប្រធានកិត្តិយសកាកបាទក្រហមកម្ពុជាគម្រប់ខួប ៨៩យាងចូល ៩០ព្រះវស្សា
បន្ទាយមានជ័យ៖ នៅសាលាខេត្តបន្ទាយមានជ័យ នាថ្ងៃទី១៦ ខែមិថុនា ឆ្នាំ២០២៥ គណៈកម្មាធិការសាខាកាកបាទក្រហមខេត្ត បានប្រារព្ធព្រះរាជពិធីបុណ្យចម្រើនព្រះជន្មសម្ដេចព្រះមហាក្សត្រ នរោត្តមមុនីនាថសីហនុ ព្រះវររាជមាតាជាតិខ្មែរ ព្រះប្រធានកិត្តិយសកាកបាទក្រហមកម្ពុជាគម្រប់ខួប ៨៩យាងចូល ៩០ព្រះវស្សា ក្រោមអធិបតីភាព ឯកឧត្តម អ៊ុំ រាត្រី អភិបាលខេ្តបន្ទាយមានជ័យ ជាប្រធានគណៈកម្មាធិការសាខាកាកបាទក្រហមខេត្ត ឯកឧត្តម ប្លែក វ៉ារី ប្រធានក្រុមប្រឹក្សាខេត្ត ជាអនុប្រធានគណៈកម្មាធិការសាខាកាកបាទក្រហមខេត្ត លោកជំទាវ នួម សោភ័ណ សមាជិករដ្ឋសភា រួមទាំងមន្ត្រីរាជការ កងកម្លាំងប្រដាប់អាវុធ អាជ្ញាធរ ក្រុង ស្រុក ឃុំ សង្កាត់ តាជី យាយជី សិស្សានុសិស្សយ៉ាងច្រើនកុះករ ។
នៅក្នុងកម្មវិធីនេះផង ដែរក៏មានព្រះសង្ឃ ធ្វើពិធីកិច្ចទៅតាមបែបសាសនាប្រពៃណី និងរបាំថ្វាយព្រះពររួចមក ឯកឧត្តមអ៊ុំ រាត្រី ប្រធានគណៈកម្មាធិការសាខាកាកបាទក្រហមខេត្តបានអានសារលិខិតថ្វាយព្រះពរដែលមានខ្លឹមសារថា សូមក្រាបទូលបង្គំថ្វាយសម្ដេចព្រះមហាក្សត្រិយ៍នរោត្តមមុនីនាថសីហនុព្រះវររាជមាតាជាតិខ្មែរក្នុងសេរីភាពសេចក្ដីថ្លៃថ្នូរ និងសុភមង្គល ព្រះប្រធានកិត្តិយសសាខាកាកបាទក្រហមកម្ពុជាជាទីគោរព ដ៏ខ្ពង់ខ្ពស់បំផុតក្នុងបរិយាកាសដ៏មង្គល ថ្លៃថ្លា ក្នុងឱកាសដល់ប្រហារវិសេសវិសាលប្រកបដោយនក្ខត្តឫក្ស នៃព្រះរាជពិធីបុណ្យចម្រើនព្រះជន្មសម្តេចព្រះមហាក្សត្រិយ៍នរោត្តមមុនីនាថសីហនុព្រះវររាជមាតាជាតិខ្មែរ គឺគម្រប់ខួប៨៩ យាងចូល៩០ ព្រះវស្សាដែលនឹងប្រព្រឹត្តទៅ ថ្ងៃពុធ ៨រោច ខែជេស្ឋ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៨ ខែមិថុនា ឆ្នាំ២០២៥ខាងមុខនេះទូលព្រះបង្គំជាខ្ញុំ ទាំងអស់គ្នា ជាគណៈកិត្តិយសសាខាកាកបាទក្រហម ជាគណៈកម្មាធិការសាខា ក្រុមប្រតិបត្តិសាខាអនុសាខា ស្រុក ក្រុង កាកបាទក្រហមឃុំ សង្កាត់ អ្នកស្ម័គ្រចិត្តនិងយុវជនកាកបាទក្រហមកម្ពុជានៃសាខាកាកបាទក្រហមកម្ពុជាខេត្តបន្ទាយមានជ័យ និងសូមព្រះបរមរាជានុញ្ញាតក្រាបបង្គំទូលថ្វាយព្រះសព្ទសាធុការពរ មហារប្រសើរថ្លៃថ្លា សូមទ្រង់ប្រកបដោយព្រះសុខភាពបរិបូណ៌និងមានជនមាន ព្រះជន្ម ជាងរយព្រះវស្សា ។
ព្រះមហាករុណាទិគុណ និងប្រកបដោយព្រះព្រហ្មវិហារធម៌ដ៏ថ្លៃថ្លារបស់សម្តេចព្រះមហាក្សត្រីព្រះវររាជមាតាជាតិខ្មែរនៃព្រះរាជាណាចក្រកម្ពុជា ដែលជានិច្ចកាល ព្រះអង្គបានលះបង់នូវព្រះកាយពល ដោយមិនគិតការនឿយហត់ ក្នុងការក្នុងព្រះរាជកិច្ចដ៏ឧត្ដុង្គឧត្ដម ដេីម្បីបុព្វហេតុជាតិមាតុភូមិនិងប្រជានុរាស្ត្រជាទីស្រឡាញ់របស់ ទ្រងលគ្រប់ទីកន្លែង ក្នុងព្រះរាជាណាចក្រកម្ពុជា ក្នុងព្រះរាជពិធីបុណ្យចម្រើនព្រះជន្មដ៏ឧត្តុង្គឧត្តមនៃឆ្នាំនេះទូលព្រះបង្គំជាខ្ញុំ សូមបួងសួងដល់គុណបុណ្យព្រះរតនត្រ័យកែវទាំងបី ព្រះបារមីថែរក្សាព្រះមហាក្សត្រ ព្រះមហាស្វេតច្ឆត្រ វត្ថុស័ក្តិសិទ្ធិក្នុងលោក ពិសេសទេវតាឆ្នាំថ្មីព្រះនាងគោរាគៈទេវី សូមជួយប្រោះព្រំតាមថែរក្សាបីបាច់សម្ដេចព្រះមហាក្សត្រីព្រះវររាជមាតាជាតិខ្មែរជាទីសក្ការៈដ៏ខ្ពង់ខ្ពស់បំផុតសូមព្រះអង្គមានព្រះបរមសុខ គ្រប់ប្រការដើម្បីគង់ប្រថាប់ជាម្លប់ដ៏ត្រជាក់ដល់ប្រជានុរាស្ត្រជាកូនចៅចៅទួត តរៀងទៅ។ សេចក្ដីក៏ពុំគួរ សូមព្រះអង្គមេត្តាករុណាប្រោសព្រះរាជទានទោស។ បញ្ចប់នៃកម្មវិធី គណៈអធិបតី បានប្រគល់អំណោយសម្ភារៈថវិកាជូនតាជីយាយជីដែលចូលរួម ២៥នាក់និងបានប្រលែង សត្វនាឱកាសនោះផងដែរ៕
