អង្គភាពសារព័ត៌មាន Hot News Asia ទទួលបានបណ្ណសរសើរពី អង្គភាពអ្នកនាំពាក្យរាជរដ្ឋាភិបាល ក្នុងការផ្សព្វផ្សាយគោលនយោបាយ និងសមិទ្ធផលនានា របស់រាជរដ្ឋាភិបាល
ភ្នំពេញ៖ នាថ្ងៃទី២ ខែមេសា ឆ្នាំ២០២៥នេះ អង្គភាពអ្នកនាំពាក្យរាជរដ្ឋាភិបាល បានប្រគល់បណ្ណសរសើរជូន អង្គភាពសារព័ត៌មាន Hot News Asia បន្ទាប់ពីបានចូលរួមយ៉ាងសកម្ម ក្នុងការផ្សព្វផ្សាយគោលនយោបាយ និងសមិទ្ធផលនានារបស់រាជរដ្ឋាភិបាល នីតិកាលទី៧ នៃរដ្ឋសភា ព្រមទាំងសកម្មភាពប្រតិកម្ម និងបុរេសកម្មនានា របស់អង្គភាពអ្នកនាំពាក្យរាជរដ្ឋាភិបាល (អ.អ.រ)។
តំណាងអង្គភាពសារព័ត៌មាន Hot News Asia បានចូលរួមទទួលដោយផ្ទាល់ ក្នុងពិធីសំណេះសំណាល និងពិសារអាហារជាមួយអ្នកសារព័ត៌មាន នាថ្ងៃទី២ ខែមេសា ឆ្នាំ២០២៥នេះ នៅភោជនីយដ្ឋាន ទន្លេបាសាក់ ២ ក្រោមអធិបតីភាព ឯកឧត្តម ប៉ែន បូណា រដ្ឋមន្ដ្រីប្រតិភូអមនាយករដ្ឋមន្ដ្រី និងជាប្រធានអង្គភាពអ្នកនាំពាក្យរាជរដ្ឋាភិបាល។
សូមបញ្ជាក់ថា អង្គភាពសារព័ត៌មាន Hot News Asia បានចូលរួមយ៉ាងសកម្ម ក្នុងការផ្សព្វផ្សាយនូវព័ត៌មានពិតជារៀងរាល់ថ្ងៃ នូវសមិទ្ធផលនានា របស់រាជរដ្ឋាភិបាល ដើម្បីផ្សព្វផ្សាយជូនប្រជាពលរដ្ឋឱ្យបានដឹង និងមើលឃើញច្បាស់ពីការអភិវឌ្ឍរបស់រាជរដ្ឋាភិបាល៕
