រថយន្តមិនស្គាល់ម៉ាក បើកបុកស្ត្រីម្នាក់បណ្ដាលឱ្យស្លាប់ បន្ទាប់ពីបញ្ជូនទៅដល់មន្ទីរពេទ្យ

ភ្នំពេញ៖ រថយន្តមិនស្គាល់ម៉ាកបើកបុកស្ត្រីម្នាក់បណ្ដាលឱ្យស្លាប់បន្ទាប់ពីបញ្ជូនទៅដល់មន្ទីរពេទ្យ ។ ហេតុការណ៍នេះ កើតឡើងនៅតាមបណ្ដោយផ្លូវទំនប់កប់ស្រូវ សង្កាត់គោករកា ខណ្ឌព្រែកព្នៅ រាជធានីភ្នំពេញ នាព្រឹកថ្ងៃទី១៣ ខែកុម្ភៈឆ្នាំ២០២៥ ។

សពជនរងគ្រោះមានឈ្មោះ ផ្លោក សេង ភេទស្រីអាយុ ៣៦ឆ្នាំ មានស្រុកកំណើតនៅភូមិស្វាយព្រៃ ស្រុកបាធាយ ខេត្តកំពង់ចាម ។ បច្ចុប្បន្នស្នាក់នៅភូមិចាក់ជ្រូក សង្កាត់ចោមចៅទី ៣ ខណ្ឌពោធិ៍សែនជ័យ រាជធានីភ្នំពេញ ។

សាកសពស្ត្រីជនរងគ្រោះខាងលើត្រូវបានកម្លាំងជំនាញទំនាក់ទំនងទៅក្រុមគ្រួសារឱ្យមកទទួលយកទៅធ្វើបុណ្យនៅឯស្រុកកំណើតទៅតាមប្រពៃណីផងដែរ ៕