មន្ត្រីជាន់ខ្ពស់ក្រសួងកសិកម្ម ដឹកនាំក្រុមការងារដោះស្រាយបញ្ហា និងពន្លឿនការចុះបញ្ជីដីរដ្ឋ និងការពារដីរដ្ឋ នៅស្រុកមួយចំនួន ក្នុងខេត្តព្រះសីហនុ
ភ្នំពេញ៖ ឯកឧត្តម គង់ ច័ន្ទវាសនា រដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ នៅថ្ងៃទី៣ ខែមករា ឆ្នាំ២០២៥ បានដឹកនាំកិច្ចប្រជុំត្រួតពិនិត្យការគ្រប់គ្រងដីរដ្ឋក្រោមដែនសមត្ថកិច្ចរបស់ក្រសួងកសិកម្ម រុក្ខាប្រមាញ់ និងនេសាទ ក្នុងមូលដ្ឋានខេត្តព្រះសីហនុ សំដៅជំរុញដោះស្រាយបញ្ហា ពន្លឿនការចុះបញ្ជីដីរដ្ឋ និងការពារដីរដ្ឋ ។
កិច្ចប្រជុំមានការចូលរួមពីលោកប្រធានមន្ទីរកសិកម្ម រុក្ខាប្រមាញ់ និងនេសាទខេត្តព្រះសីហនុ មន្ត្រីជំនាញរដ្ឋបាលព្រៃឈើ លោកនាយអធិការរដ្ឋបាលព្រៃឈើតំបន់ឈូងសមុទ្រ ព្រមទាំងថ្នាក់ដឹកនាំ និងមន្ត្រីពាក់ព័ន្ធរបស់មន្ទីរកសិកម្ម និងខណ្ឌរដ្ឋបាលព្រៃឈើខេត្តព្រះសីហនុ។
បន្ទាប់ពីកិច្ចប្រជុំ ឯកឧត្តមរដ្ឋលេខាធិការ និងក្រុមការងារទាំងអស់បាន បន្តចុះទៅពិនិត្យស្ថានភាពជាក់ស្តែងនៅតាមទីតាំងដីមួយចំនួន នៅក្នុងស្ថានីយផ្សព្វផ្សាយ និងស្តារព្រៃឈើអូរថ្ម ស្ថិតក្នុងភូមិសាស្ត្រស្រុកព្រៃនប់ និងស្រុកស្ទឹងហាវ ខេត្តព្រះសីហនុ៕
